Вы тут

Пасольства ў Ізраілі застанецца


Пра гэта на брыфінгу паведаміў Дзмітрый МІРОНЧЫК, начальнік упраўлення інфармацыі — прэс-сакратар Міністэрства замежных спраў.


«Разгледзеўшы атрыманую па дыпламатычных каналах ноту з інфармацыяй аб прынятым прэм'ер-міністрам Дзяржавы Ізраіль рашэнні захаваць прысутнасць у Беларусі ізраільскай дыпламатычнай місіі ў мінулым фармаце, беларускі бок прыняў рашэнне аб захаванні сваёй дыпламатычнай прысутнасці ў Дзяржаве Ізраіль, — заявіў прадстаўнік дыпламатычнага ведамства. — Зыходзім з таго, што падтрыманне адносін паміж Беларуссю і Ізраілем на ўзроўні пасольстваў — гэта аб'ектыўная неабходнасць, абумоўленая цеснымі сувязямі дзясяткаў тысяч людзей, для якіх Ізраіль і Беларусь з'яўляюцца блізкімі і роднымі краінамі, а таксама ў цэлым пазітыўнай дынамікай двухбаковых адносін у розных сферах».

Прэс-сакратар МЗС праінфармаваў таксама пра тое, што на наступным тыдні наша дэлегацыя прыме ўдзел у 49-й сесіі Камісіі ААН па народанасельніцтве і развіцці. Наша краіна з'яўляецца дзеючым членам гэтай Камісіі.

«Спецыяльнай тэмай сесіі стане «Кантроль за ажыццяўленнем парадку дня ў галіне развіцця на перыяд пасля 2015 года: нарошчванне базы дэмаграфічных звестак», — паведаміў Дзмітрый Мірончык. — Паколькі тэма 49-й сесіі цесна звязана з ініцыятывамі Рэспублікі Беларусь у ААН па супрацьдзеянні гандлю людзьмі, а таксама па абароне сям'і і сямейных каштоўнасцяў, удзел у працы камісіі будзе спрыяць іх далейшаму развіццю і папулярызацыі».

Прадстаўляць нашу дзяржаву на мерапрыемстве будзе намеснік міністра замежных спраў Валянцін Рыбакоў.

Як паведамляецца, нашы дыпламаты плануюць правесці на палях сесіі шэраг дадатковых мерапрыемстваў, спадарожных заяўленай тэматыцы. «Гэта мерапрыемства з нагоды 70-годдзя Адміністрацыі дапамогі і аднаўлення Аб'яднаных Нацый, якая працавала ў Мінску непасрэдна пасля вайны, — зазначыў прадстаўнік знешнепалітычнага ведамства. — Акрамя таго, адбудзецца мерапрыемства Групы сяброў, якія аб'ядналіся ў барацьбе з гандлем людзьмі — на гэтай сустрэчы ўдзельнікі абмяркуюць выкарыстанне прымусовай працы ў вытворчым ланцужку».

yushkevich@zviazda.by

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».