Аб гэтым Прэзiдэнт Аляксандр Лукашэнка заявiў на сустрэчы з прэзiдэнтам Мiжнароднай асацыяцыi лёгкаатлетычных федэрацый Себасцьянам Коэ, перадае карэспандэнт БЕЛТА.
«Беларусь ужо з наступнага года зможа правесцi любое мерапрыемства па лёгкай атлетыцы. Мы спецыяльна мадэрнiзуем наш нацыянальны стадыён менавiта пад лёгкую атлетыку. Там можна будзе гуляць у футбол, але гэта будзе лёгкаатлетычны стадыён, створаны па апошнiм слове тэхнiкi з запасным трэнiровачным полем i ўсiмi атрыбутамi для работы спартсменаў», — заявiў беларускi лiдар.
Аляксандр Лукашэнка адзначыў, што хоць па глабальных мерках Беларусь i не ўваходзiць у лiк вялiкiх дзяржаў, аднак у краiне iснуюць нядрэнныя спартыўныя традыцыi ў многiх вiдах спорту. «У нас добрыя школы, якiя дасталiся нам з савецкiх часоў. Мы iх захавалi. Часам не хапае настойлiвасцi i, можа, нейкай увагi, — адзначыў Прэзiдэнт. — Спецыялiстаў у нас дастаткова практычна ў любым вiдзе спорту, але нам не хапае сiстэмы функцыянавання таго цi iншага вiду спорту, арганiзацыi, патрабавальнасцi, абавязковасцi ад трэнераў i спартсменаў. Але горш было б, калi б не хапала грошай або ўмення. Але калi гэта ўсё ёсць, але не хапае арганiзаванасцi, то гэту справу можна паправiць».
«Калi ў спорце будзе ўсё справядлiва, я ўпэўнены, што беларускiя спартсмены на сусветных арэнах, Алiмпiйскiх гульнях будуць яшчэ прыкметней. Я гэта гавару, ведаючы вашу пазiцыю, памкненнi i арыентацыю на сумленнасць i прыстойнасць у спорце. I вы ў гэтым плане можаце разлiчваць на Беларусь», — дадаў Аляксандр Лукашэнка.
«У спорце не павiнна быць столькi палiтыкi, колькi сёння. У спорце не павiнны перамагаць спартсмены толькi буйных багатых дзяржаў. Спорт павiнен быць для ўсiх. Таму я катэгарычна супраць усякiх закрытых пытанняў у спорце, у тым лiку допiнгу, што якой-небудзь краiне гэта можна, а iншай нельга. Я супраць таго, каб грошы вырашалi пытаннi. Таму што багатая краiна будзе заўсёды выйграваць. Спорту не хапае справядлiвасцi», — заявiў кiраўнiк дзяржавы.
Аляксандр Лукашэнка лiчыць станоўчым той факт, што ў сусветнай лёгкай атлетыцы працуюць спецыялiсты, якiя па-сапраўднаму ведаюць i разумеюць спорт. «Менавiта гэтага разумення ў многiх функцыянераў у многiх вiдах спорту якраз не хапае — разумення спартсмена, — сказаў Прэзiдэнт. — Мне здаецца, што такiя людзi, як вы, якiя прайшлi праз горан спорту i паказалi выдатныя вынiкi, якраз здольны змянiць сiтуацыю ў спорце».
Кiраўнiк дзяржавы таксама з цеплынёй успомнiў той час, калi Себасцьян Коэ змагаўся на спартыўных спаборнiцтвах. «Успамiнаю маладосць i Себасцьяна Коэ на бегавой дарожцы, супраць якога я, вядома, заўсёды балеў, таму што побач з вамi заўсёды былi нашы вялiкiя спартсмены. Але я заўсёды быў у захапленнi ад вас», — падкрэслiў Аляксандр Лукашэнка.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.