Вы тут

У кросе ў гонар касманаўта-земляка ўдзельнічалі жыхары Чэрвеньшчыны


Апошнім часам у Чэрвені, што на Міншчыне, ладзяць усё больш мерапрыемстваў, прысвечаных знакамітаму земляку, ураджэнцу гэтых мясцін, касманаўту Алегу Навіцкаму. І сімвалічна, што адбываецца гэта ў год яго мяркуемага другога палёту да зор.


...Не паспелі яшчэ забыцца падрабязнасці першага касмічнага фестывалю, як новае мерапрыемства прапанаваў усім зацікаўленым аддзел адукацыі, спорту і турызму Чэрвеньскага райвыканкама. Сумесна з Беларускай федэрацыяй лёгкай атлетыкі дзяцей і дарослых запрасілі на лёгкаатлетычны крос імя Алега Навіцкага. І натуральна, што адбылося спартыўнае выпрабаванне не ў звычайны дзень тыдня, а ў святочны: у Сусветны дзень авіяцыі і касманаўтыкі, 12 красавіка.

Своеасаблівым паўнамоцным прадстаўніком знакамітага земляка стала яго маці, Валянціна Эдуардаўна Навіцкая.

365 удзельнікаў — неблагая для першага разу колькасць! — дзеляцца на дзве групы: юнакі і дзяўчаты. Яны будуць стартаваць асобна. Большасць — школьнікі. Перад імі — асфальтаваныя вуліцы горада, дыстанцыя ў паўтара кіламетра і такі жаданы, але пакуль яшчэ далёкі фініш — каля новага будынка фізкультурна-аздараўленчага комплексу «Ігумен», адкрытага мінулай восенню.

Гэта толькі здаецца, што паўтара кіламетра — дыстанцыя невялікая... Але нават калі п'едэстал гонару скарыўся не ўсім, нагоды для засмучэння няма. Галоўнае — кожны дабег і даказаў найперш сабе: «Я — магу!» Да таго ж, абсалютна ўсе спартсмены атрымалі на памяць сертыфікат удзельніка кросу імя Алега Навіцкага ад Беларускай федэрацыі лёгкай атлетыкі.

Былі, безумоўна, і ўрачыстыя фанфары ў гонар пераможцаў і прызёраў, граматы і медалі, якія ўручыла мама касманаўта.

Ксенія УЛАДЗІМІРАВА

Загаловак у газеце: Мы — можам!

Выбар рэдакцыі

Грамадства

​Як беларускія вучоныя ствараюць умовы для бліскучых перамог

​Як беларускія вучоныя ствараюць умовы для бліскучых перамог

Спартыўныя дасягненні чалавека прыблізна на 75 % залежаць ад яго генетыкі. 

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.