Вы тут

Пратэрмінаваныя прадукты становяцца энергіяй


На Брэсцкім смеццеперапрацоўчым заводзе пачалі атрымліваць дадатковую энергію з прадуктаў, у якіх скончыўся тэрмін прыдатнасці. Цяпер на завод прывозяць каўбасы, паўфабрыкаты, агародніну і садавіну супермаркеты, таксама астаткі ежы дастаўляюць з рэстаранаў і іншых прадпрыемстваў грамадскага харчавання.


Раней гэтыя арганічныя адходы выкідвалі проста на звалку, цяпер іх разам з іншымі гарадскімі бытавымі адходамі ператвараюць у біягаз. Для гэтага астаткі прадуктаў змяшчаюць у спецыяльныя ёмістасці, дзе яны бродзяць прыкладна тры тыдні. Потым атрыманы газ ачышчаюць і спальваюць у міні-ТЭЦ. Выпрацаваная такім чынам электраэнергія паступае ў гарадскія сеткі.

Паводле інфармацыі начальніка аддзела смеццеперапрацоўчага завода Наталлі ТРЫФАНАВАЙ, летась было перапрацавана 16 тысяч тон арганічных адходаў. З іх дзве з паловай тысячы тон паступіла ад юрыдычных асоб: прадпрыемстваў гандлю і грамадскага харчавання. Спецыялісты падлічылі, што электраэнергіяй, атрыманай з біягазу, можна забяспечыць каля дзвюх тысяч прыватных дамоў. Выпрацоўку гэтага віду паліва на заводзе плануюць павялічваць.

yackevich@zviazda.by

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне.