Вы тут

Бяспека — перш за ўсё


Бяспека з'яўляецца галоўным прыярытэтам пры будаўніцтве Беларускай АЭС. Пра гэта заявіў Прэзідэнт Беларусі Аляксандр Лукашэнка на сустрэчы з генеральным дырэктарам Міжнароднага агенцтва па атамнай энергіі (МАГАТЭ) Юкія Амана, паведамілі ў прэс-службе беларускага лідара.


Кіраўнік дзяржавы падкрэсліў вялікае значэнне, якое ў Беларусі надаюць візіту гендырэктара МАГАТЭ, асабліва ў кантэксце развіцця ў краіне сферы мірнага атама і будаўніцтва АЭС. "Я быў бы вельмі зацікаўлены, каб вы асабіста пабывалі на будоўлі і пераканаліся ў тых прыярытэтах, якія мы пераследуем пры будаўніцтве атамнай электрастанцыі. Гэта перадусім бяспека АЭС. Усе краіны, якія маюць тэхналогіі па будаўніцтве атамных станцый, зрабілі належныя высновы не толькі з вынікаў чарнобыльскай катастрофы, але і ў сувязі з катастрофай на АЭС "Фукусіма". Таму мы прытрымліваемся перадусім гэтага прыярытэту (бяспекі) пры будаўніцтве", - заявіў Аляксандр Лукашэнка.

Прэзідэнт таксама падкрэсліў, што велізарную ўвагу Беларусь надае падрыхтоўцы высокапрафесійнага персаналу для абслугоўвання АЭС. "Мы нямала зрабілі для гэтага. Мы іх навучалі, збіралі па ўсім свеце. Стварылі вельмі сучасны навучальна-трэніровачны цэнтр. І мы гатовы і далей у найцесным кантакце працаваць з вашай арганізацыяй, выконваючы ўсе вашы рэкамендацыі", - адзначыў беларускі лідар.

Аляксандр Лукашэнка гарантаваў і надзейнасць захоўвання ў Беларусі ядзерных матэрыялаў. "Мы будзем рабіць усё для таго, каб была іх поўная абароненасць, каб камусьці нават у галаву не прыйшло, што можна завалодаць падобнымі ядзернымі матэрыяламі з мэтай нейкай тэрарыстычнай дзейнасці, - сказаў кіраўнік дзяржавы. - Вы можаце быць абсалютна ўпэўнены ў нашай надзейнасці".

Прэзідэнт таксама ў цэлым выказаў здаволенасць беларускага боку роўнем супрацы з МАГАТЭ і асабіста з гендырэктарам агенцтва Юкія Амана. "Мы зробім усё для таго, каб ваша актыўная  дзейнасць працягвалася на карысць усяго чалавецтва", - рэзюмаваў Аляксандр Лукашэнка.

У сваю чаргу Юкія Амана падкрэсліў, што Беларусь з'яўляецца каштоўным партнёрам для МАГАТЭ. Паміж бакамі наладжана актыўнае тэхнічнае супрацоўніцтва, асабліва што датычыцца рэалізацыі праекта па будаўніцтву Беларускай АЭС.

Гендырэктар МАГАТЭ адзначыў, што ў папярэдні раз наведваў Беларусь у 2012 годзе, калі будаўніцтва атамнай станцыі яшчэ не пачалося. "Я добра памятаю сустрэчу з вамі, а таксама наведванне рэабілітацыйных цэнтраў, дзе праходзілі лячэнне людзі, пацярпелыя ў выніку аварыі на Чарнобыльскай АЭС. З таго часу я вельмі хацеў ізноў наведаць вашу краіну, каб убачыць прагрэс, які адбыўся за апошнія чатыры гады", -- сказаў ён.

Падчас сустрэчы Юкія Амана падзякаваў беларускі бок за рэгулярнае запрашэнне ацэначных місій МАГАТЭ ў Беларусь для назірання за ходам будаўніцтва АЭС. Агенцтва гатова і далей аказваць усю патрэбную дапамогу і спрыянне ў забеспячэнні бяспекі будучай станцыі. Гендырэктар МАГАТЭ таксама адзначыў важнасць арганізацыі пастаяннага працэсу падрыхтоўкі і павышэння кваліфікацыі спецыялістаў, якія будуць працаваць на АЭС.

Аляксандр Лукашэнка запэўніў Юкія Амана, што Беларусь будзе і надалей няўхільна прытрымлівацца усіх рэкамендацыяй МАГАТЭ і выступае за тое, каб пытанне будаўніцтва АЭС не палітызавалася.

Дадаць каментар

Выбар рэдакцыі

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.