Нядаўна зарэгістраваны ў Брэсце прафсаюз рамеснікаў адкрывае сваю першую гандлёвую кропку — магазін па вуліцы Астроўскага. У памяшканні, якое ўзяў у арэнду названы прафсаюз, будуць прадаваць толькі эксклюзіўныя сувеніры — самыя розныя вырабы брэсцкіх майстроў.
Там можна будзе набыць, напрыклад, тканую вазу, створаную па ўзноўленай старадаўняй тэхналогіі, альбо пантофлі з ільняной вяроўкі. Дубовую бочачку з ініцыяламі імянінніка абяцаюць вырабіць пад заказ.
Старшыня прафсаюза Жан Васько паведаміў, што куток на вуліцы Астроўскага рамеснікі мяркуюць ператварыць з часам у невялікі Брэст-Літоўскі кірмашык, дзе можна будзе любавацца прыгожымі рэчамі і набыць шмат цікавага. Пакуль у арганізацыю ўвайшлі паўсотні чалавек, былыя таварышы і аднадумцы. Ёсць спадзяванне, што шэрагі майстроў-умельцаў будуць папаўняцца.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
