Вы тут

Пялёнкі


Пялёнкі дзіцяці, тое, у чым ён будзе расці і развівацца на працягу першага года свайго жыцця, у народнай культуры параўноўвалі з тканінамі (палотнамі), якія выкарыстоўвалі ў час вяселля ці пахавальнага абраду. Таму існавала асаблівая цікавасць да працэсу іх вырабу і правілаў карыстання.


  • Паўсюдна існавала правіла, якое забараняла цяжарнай жанчыне рыхтаваць пялёнкі загадзя. Пра пялёнкі для нованароджанага павінны былі паклапаціцца свякроўка ці маці парадзіхі.
  • У момант нараджэння дзіцяці нашы продкі практычна не выкарыстоўвалі пялёнак. Бабка-павітуха спавівала толькі што народжанае дзіця ў бацькоўскую кашулю або матуліну спадніцу, каб сын любіў і паважаў бацькоў. У некаторых выпадках не бралі адзення таго з бацькоў, у каго быў складаны, рэзкі характар. Часам хлопчыка загортвалі ў адзенне маці, а дзяўчынку — у адзенне бацькі, каб такім чынам забяспечыць мір і спакой у сям'і. Лічылася, калі ўкруціць нованароджанае дзіця ў кашулю дзеда, яно будзе доўга жыць.
  • Пялёнкі шылі са старога адзення ці пасцельнай бялізны. Калі для іх бралі старое адзенне, то абавязкова таго члена сям'і, чый характар і стан здароўя не выклікалі трывогі. У замовах на здароўе кажуць, што «Сама Багародзіца пялёнкай Гасподняй» агортвае (ахоўвае) нованароджанага.
  • Асаблівыя адносіны былі да рытуалу першага спавівання. Лічылася, калі дзіця ў гэты час будзе крычаць, то вырасце сярдзітым.
  • На працягу першых 9 дзён дзіця спавівала бабка-павітуха.
  • Нашы прабабулі лічылі, што тугое спавіванне надасць стройнасць фігуры і будзе спрыяць росту.
  • Пялёнкі забаранялася выкарыстоўваць для іншых мэт: у іх можна было толькі спавіваць дзяцей.

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».