22 кастрычніка, чацвер

Вы тут

«Белпошта» ўводзіць новыя сэрвісы


Як будзе выглядаць паштовае аддзяленне ў найбліжэйшай будучыні і якія паслугі будуць у ім прадстаўлены, можна даведацца ўжо гэтымі днямі на Міжнародным спецыялізаваным форуме па тэлекамунікацыях, інфармацыйных і банкаўскіх тэхналогіях TІBO-2016. Прадпрыемства «Белпошта» прадставіла на ім свой праект «Пошта ХХІ стагоддзя».


Апа­рат «Ка­пір­кін»  за­сво­іць ня­цяж­ка.

Найноўшыя паслугі прадпрыемства накіраваны на максімальнае самаабслугоўванне кліентаў. Цяпер можна не чакаць у чарзе, пакуль вызваліцца аператар, а самастойна здзейсніць плацяжы, даслаць ліст, атрымаць пасылку і раздрукаваць дакумент.

— Гэта не з галіны фантастыкі, а тое, што часткова ўжо рэалізавана ў аддзяленнях паштовай сувязі, а часткова будзе рэалізавана ў найбліжэйшыя месяцы, — расказала «Звяздзе» генеральны дырэктар прадпрыемства Ірына САКСОНАВА.

На выставе можна апрабаваць новае паштовае абсталяванне, дарэчы, зробленае на беларускім прадпрыемстве «Прамсувязь». Тут і знаёмы многім плацежна-даведачны тэрмінал, які прадастаўляе даведачную інфармацыю па паслугах, плацяжах, мытным і падатковым заканадаўстве, а таксама дазваляе аформіць шырокі пералік плацяжоў. Такіх тэрміналаў па краіне ўжо ўсталявана больш за тысячу. Дарэчы, у гэтым месяцы прадпрыемства па ўсёй краіне перайшло на прыём плацяжоў у сістэме АРІП.

Апарат Smart-POST дазваляе кліентам адправіць рэгістраваную пісьмовую карэспандэнцыю да 2 кг, не звяртаючыся па дапамогу да аператара. У сталічных паштовых аддзяленнях усталявана ўжо 41 такая прылада, неўзабаве яны з'явяцца ў абласных і раённых гарадах.

Адна з навінак, пра якую ўжо шмат казалі, але яшчэ амаль нідзе не ўсталёўвалі, — паштамат. Яго праграмнае забеспячэнне інтэгравана да праграмнага забеспячэння «Белпошты». Такім чынам, калі кліент атрымлівае sms-паведамленне аб тым, што яму прыйшла пасылка, цераз сайт прадпрыемства ён можа выбраць спосаб яе дастаўкі. Варыянтаў некалькі: пасылка можа чакаць адрасата ў бліжэйшым аддзяленні пошты, альбо яе даставіць кур'ер, альбо можна пераадрасаваць яе ў найбліжэйшы паштамат, адкуль будзе магчымасць забраць адпраўленне ў любы час сутак. Для гэтага трэба будзе ўвесці код, пазначаны ў sms-паведамленні, і ячэйка паштамата адчыніцца. Да канца паўгоддзя ў Мінску з'явяцца 20 такіх прылад, пакуль яны будуць працаваць у тэставым рэжыме.

Апошняя навінка «Белпошты» — апарат «Капіркін», які дазваляе самастойна сканіраваць, капіраваць і раздрукоўваць дакументы, у тым ліку з флэш-карты.

— У ліпені мы адкрываем новае аддзяленне паштовай сувязі ў мікрараёне «Лебядзіны», — дадала Ірына Саксонава, — і там будзе ўсё гэта новае «начынне».

seradzyuk@zvіazda.by

Фо­та Яў­ге­на ПЯ­СЕЦ­КА­ГА

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.