Напярэдадні 24-гадовы мінчанін пасварыўся з жонкай, і вырашыў зняць стрэс вядомым спосабам.
— Ён зняў з карткі грошы і накупіў спіртнога. Пасля накіраваўся ў начны клуб. Заўважыўшы неадэкватныя паводзіны наведвальніка, ахова клуба папрасіла яго пакінуць установу, — паведаміла прэс-афіцэр Першамайскага РУУС г. Мінска Вольга Куцько. — Дадому маладому чалавеку вяртацца не хацелася, таму ён выправіўся на шпацыр па начным горадзе. Як апынуўся на прыпынку, дзе стаяў аўтобус, як завёў яго — не памятае. Толькі патлумачыў, што дзверы аўтобуса не былі зачыненыя.
Увагу супрацоўнікаў дарожна-патрульнай службы прыцягнула пашкоджаная «Сетра», якая рухалася ўкосікі па вуліцы Акадэмічнай. Транспартны сродак быў спынены. Інспектары ДАІ папрасілі кіроўцу прад'явіць дакументы на яго. Малады чалавек упусціў міліцыянераў у салон, але патлумачыць нічога не змог. У аўтобусе былі пашкоджаны лабавое шкло, чатыры бакавыя шыбы і фары.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
