Вы тут

Разам з усёй краiнай


У час суботнiка з удзелам Прэзідэнта на стадыёне «Дынама» выкарыстана 30 машын бетону.

Прэзiдэнт Аляксандр Лукашэнка 23 красавiка прыняў удзел у рэспублiканскiм суботнiку. Кiраўнiк дзяржавы ў гэты дзень працаваў на рэканструкцыi стадыёна «Дынама» ў Мiнску.


Брыгада Прэзiдэнта выконвала на аб'екце работы па бетанаваннi маналiтных жалезабетонных бязбэлечных перакрыццяў. Разам з Прэзiдэнтам працавалi спартсмены, трэнеры, кiраўнiцтва Мiнска, прадстаўнiкi органаў дзяржкiравання.

У час работы выкарыстана 30 машын бетону, у вынiку залiта 240 куб.м (з iх 140 — брыгадай кiраўнiка дзяржавы), паведамiлi ў прэс-службе беларускага лiдара.

Перш чым пачаць работу, Аляксандр Лукашэнка азнаёмiўся з ходам рэканструкцыi стадыёна. Намеснiк старшынi Мiнгарвыканкама Iгар Карпенка далажыў, што завяршыць рэканструкцыю плануецца ў канцы 2017 года. У вынiку арэна стане шматфункцыянальным спартыўна-вiдовiшчным збудаваннем, дзе акрамя спаборнiцтваў па лёгкай атлетыцы самага высокага ўзроўню можна будзе праводзiць футбольныя матчы, канцэрты i iншыя культурна-масавыя мерапрыемствы, арганiзаваць паўнацэнны трэнiровачны працэс.

Абавязковай умовай пры рэканструкцыi таксама з'яўляецца захаванне гiстарычнай часткi стадыёна ў выглядзе аркады.

Аляксандр Лукашэнка ў цэлым станоўча ацанiў ход рэканструкцыi, даўшы шэраг канкрэтных даручэнняў.

Фота БЕЛТА

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.