Вы тут

Рыхтуем насенне


Існуюць розныя спосабы падрыхтоўкі насення да сяўбы: праграванне, абеззаражванне, намочванне, прарошчванне і частковая яравізацыя, дражыраванне, барбаціраванне.


Абеззаражванне

Праводзяць для папярэджання захворванняў раслін, паколькі многія бактэрыяльныя, грыбныя і вірусныя хваробы агароднінных культур перадаюцца праз насенне.

Дасведчаныя агароднікі абеззаражваюць насенне ў 1%-ным растворы марганцоўкі. 1 г прэпарату раствараюць у 100 г вады і вытрымліваюць у растворы насенне на працягу 20 хвілін. Пасля апрацоўкі яго абавязкова трэба старанна прамыць у чыстай вадзе. Такім спосабам можна абеззаражваць насенне таматаў, агуркоў, кабачкоў, патысонаў, гарбузоў.

Пры абеззаражванні насення морквы і іншых караняплодаў растворам перманганату калію некаторыя спецыялісты рэкамендуюць памяншаць канцэнтрацыю прэпарату ў 5 разоў, гэта значыць выкарыстоўваць 0,2 г марганцоўкі на 100 г вады (або 2 грамы на вядро).

Адным са спосабаў абеззаражвання насення з'яўляецца кароткачасовае праграванне яго ў гарачай вадзе. Насенне капусты супраць кілы і грыбных хвароб праграваюць 20 хвілін у гарачай вадзе пры тэмпературы +40 °С. Але не перастарайцеся, а то зварыце. Пасля прагравання насенне астуджваюць, апускаючы яго ў халодную ваду.


Пратручванне

Дазваляе знішчыць узбуджальнікаў хвароб, якія знаходзяцца на паверхні і ўнутры насення. У шэрагу выпадкаў пратручванне стымулюе фізіялагічныя працэсы, якія адбываюцца ў перыяд прарастання насення і развіцця маладой расліны. Напрыклад, пратручванне насення тамата марганцоўкай не толькі павышае ўстойлівасць расліны да вірусных захворванняў, але і задавальняе патрэбнасць раслін у мікраэлементах марганцу.


Намочванне і прарошчванне

Выкарыстоўваецца для паскарэння прарастання або з'яўлення ўсходаў. Намочваюць насенне пры тэмпературы +20 ... + 25 °С. Асабліва гэты прыём эфектыўны пры вырошчванні морквы, кропу, шпінату, буракоў і капусты.

Насенне змяшчаюць у мешкавіну або шчыльны пласт марлі і размяшчаюць у пасудзіне так, каб вада толькі пакрывала яго. Працягласць намочвання насення морквы, тамата буракоў, пятрушкі — каля двух сутак; насенне агурка, кабачка, кавуна, капусты, радыскі намочваюць 12 гадзін. Перад высяваннем намочанае насенне прасушваюць у цені да сыпкага стану.

Для прарошчвання рассцілаюць вільготны брызент або марлю, на якую рассыпаюць насенне тонкім пластом. Калі прарасце больш за 5% насення, яго высяваюць. У залежнасці ад тэмпературы, культуры і якасці насення такі момант наступае ад двух да сямі сутак. Не трэба чакаць з'яўлення парасткаў — пры пасадцы яны могуць абламацца.

Пры прарошчванні і намочванні насення морквы і кропу ваду пажадана часцей мяняць, каб знізіць утрыманне эфірных алеяў, якія тармозяць усходжасць.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.