Вы тут

У сталіцы адкрылі мемарыяльную дошку ахвярам чарнобыльскай катастрофы


Яна размешчана ў крыпце храма-помніка ў гонар Усіх Святых. Як адзначыла намеснік прэм'ер-міністра нашай краіны Наталля Качанава, «адкрыццё мемарыяльнай дошкі — гэта даніна памяці героям і ахвярам страшнай чарнобыльскай трагедыі».


«Дзяржава робіць і будзе рабіць усё магчымае для адраджэння рэгіёнаў рэспублікі, якія пацярпелі ад наступстваў аварыі на ЧАЭС, і для людзей, якія пражываюць на гэтых тэрыторыях, — звярнула ўвагу віцэ-прэм'ер. — Ідзе аднаўленне сельскай гаспадаркі, будаўніцтва сацыяльных аб'ектаў, укараненне новых тэхналогій».

Мітрапаліт Мінскі і Заслаўскі Павел, Патрыяршы Экзарх усяе Беларусі лічыць, што гадавіна аварыі на ЧАЭС служыць папярэджаннем для цяперашняга і будучых пакаленняў. «Мы сёння з удзячнасцю ўспамінаем загінулых ліквідатараў, — сказаў ён, — і зычым ветэранам-ліквідатарам дапамогі Божай у іх працах, каб яны доўгія гады жылі ў добрым здароўі і вучылі моладзь любіць і шанаваць сваё жыццё, сваю Айчыну».

Намеснік старшыні Мінгарвыканкама Ігар Карпенка ўручыў 25 ліквідатарам і прадстаўнікам грамадскіх аб'яднанняў граматы Мінгарвыканкама, Мінгарсавета і камітэта па працы, занятасці і сацабароне Мінгарвыканкама.

Учора таксама ў сталічным парку Дружбы народаў адбылася цырымонія ўскладання кветак да памятных знакаў «Ахвярам Чарнобыля» і «Камень міру Хірасімы». У мерапрыемстве ўзялі ўдзел каля 4 тысяч чалавек, у тым ліку кіраўнікі дзяржорганаў, ліквідатары наступстваў аварыі на Чарнобыльскай АЭС, прадстаўнікі грамадскіх арганізацый, працоўных калектываў.

Загаловак у газеце: Даніна памяці

Выбар рэдакцыі

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.

Грамадства

Мінпрацы — пра зарплаты бюджэтнікаў

Мінпрацы — пра зарплаты бюджэтнікаў

Спецыялісты Міністэрства працы і сацыяльнай абароны ў анлайн-рэжыме адказалі на некаторыя пытанні, звязаныя са змяненнем умоў аплаты працы работнікаў бюджэтных арганізацый з 1 студзеня 2020 года.

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.