Вы тут

Дыягназ удакладнілі сталічныя ўрачы


Беларускі саюз жанчын прысвяціў дабрачынную акцыю ў Касцюковіцкім раёне 30-годдзю чарнобыльскай катастрофы.

Бясплатныя кансультацыі, канцэрт, цёплыя сустрэчы з жыхарамі — раён наведала прадстаўнічая дэлегацыя Беларускага саюза жанчын на чале з міністрам працы Марыянай Шчоткінай. Разам з актывісткамі гэтага руху прыехалі ўрачы вядучых рэспубліканскіх медыцынскіх цэнтраў і ўстаноў Мінска — мамолаг, гінеколаг і эндакрынолаг.


Падчас наведвання раённай бальніцы Марыяна Шчоткіна цікавілася, што зроблена ў раёне для таго, каб сюды ехалі працаваць маладыя спецыялісты, як справы з нараджальнасцю. Касцюковіцкая лячэбная ўстанова абслугоўвае не толькі раён. Некалькі яе аддзяленняў — гемадыялізу, траўматалогіі і перынатальны цэнтр 1-га ўзроўню з'яўляюцца міжраённымі і прымаюць жыхароў суседніх Краснапольскага, Хоцімскага і Чэрыкаўскага раёнаў. Паводле слоў выканаўцы абавязкаў галоўнага ўрача бальніцы Тамары Галайды, кансультацыі змаглі атрымаць менавіта тыя пацыенты, з пастаноўкай дыягназу якім узнікалі праблемы. Некалькі дзяцей па выніках абследавання накіраваны для далейшага лячэння ў Рэспубліканскі цэнтр эндакрыналогіі і Магілёўскую абласную дзіцячую бальніцу. Медперсанал раённай бальніцы атрымаў карысную інфармацыю па профілі сваёй дзейнасці.

Жанчыны грамадскага аб'яднання наведалі таксама дзіцячы дом сямейнага тыпу, цэнтр карэкцыйна-развіваючага навучання дзяцей-інвалідаў, аддзяленне дзённага знаходжання дзяцей-інвалідаў Касцюковіцкага тэрытарыяльнага цэнтра сацыяльнага абслугоўвання насельніцтва, пабывалі ў сям'і ліквідатара аварыі на ЧАЭС. Яны прынялі ўдзел у мітынгу-рэквіеме, які адбыўся на пляцоўцы ля памятнага знака, устаноўленага да 20-годдзя аварыі на ЧАЭС. Завяршылася сустрэча праглядам дакументальнага фільма «Чарнобыль — экзамен для нацыі» і канцэртам артыстаў Магілёўскай абласной філармоніі.

Выбар рэдакцыі

Грамадства

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

Наколькі беларуская сістэма адукацыі канкурэнтаздольная і ці адпавядае яна сусветным трэндам?

Грамадства

Чаму наяўнасць бацькі ў сям'і такая важная для дзіцяці

Чаму наяўнасць бацькі ў сям'і такая важная для дзіцяці

Дзеці, якія вырастаюць у сем'ях, дзе няма таты або ён ёсць, але амаль не ўдзельнічае ў жыцці малога, па ўсіх паказчыках прайграюць і ў дзяцінстве, і ў дарослым жыцці.

Грамадства

Іван і Алена: Мы цікавыя адно аднаму ва ўсіх праявах

Іван і Алена: Мы цікавыя адно аднаму ва ўсіх праявах

І праз дзесяць гадоў пасля знаёмства яны любяць шпацыраваць па горадзе, узяўшыся за рукі.

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.