Найлепшыя малюнкі на тэму “Права на дзяцінства” будуць вызначаны ў Міністэрстве юстыцыі Рэспублікі Беларусь 1 чэрвеня па выніках конкурсу, прымеркаванага да Міжнароднага дня абароны дзяцей. Работы, выкананыя фарбамі, алоўкамі ці фламастарамі, прымаюцца да 20 мая.
Удзельнікам могуць стаць усе дзеці ва ўзросце ад трох гадоў. На адвароце малюнка трэба ўказаць інфармацыю пра мастака: прозвішча, імя і імя па бацьку малога, месца жыхарства, кантактныя даныя і, па жаданні, невялікі аповед пра малюнак.
Пераможцы будуць вызначаны ў трох узроставых катэгорыях: ад 3 да 6, ад 7 да 12 і дзеці, якім больш за 12 гадоў. Работы прымаюцца на паштовы адрас Мінюста: 220002, г.Мінск, вул. Калектарная, 10 (прэс-сакратару). Атрымаць дадатковыя звесткі можна па тэлефоне 200 03 84.
Юныя аўтары-пераможцы атрымаюць памятныя падарункі і дыпломы, а імёны самых лепшых мастакоў будуць размешчаны на сайце міністэрства.
Ірына СІДАРОК
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».