Вы тут

Стаўку рэфінансавання зніжаюць на 2%


З 1 мая яна стане 22% гадавых.

Аб гэтым гаворыцца ў рашэнні Нацыянальнага банка. Такім чынам, з першых дзён мая зніжаецца стаўка рэфінансавання з 24% да 22% гадавых. Таксама ў маі памяншаюцца стаўкі па пастаянна даступных і двухбаковых аперацыях падтрымкі бягучай ліквіднасці банкаў — з 30% да 27% гадавых і стаўкі па пастаянна даступных аперацыях вымання ліквіднасці банкаў — з 16% да 15% гадавых.


Гэтым жа рашэннем праўлення Нацбанка з 1 чэрвеня памяншаецца гранічны ўзровень працэнтных ставак па новых тэрміновых банкаўскіх укладах юрыдычных асоб у нацыянальнай валюце, у выпадку перавышэння якога прадугледжваецца павелічэнне рэзервовых патрабаванняў, — з 0,9 да 0,8 стаўкі па пастаянна даступных аперацыях Нацбанка ў форме крэдыту авернайт. З першых дзён лета зніжаецца і гранічны ўзровень працэнтных ставак па крэдытах, прадастаўленых юрыдычным асобам у беларускіх рублях, у выпадку перавышэння якога робіцца больш жорсткім парадак фарміравання банкамі рэзерву на пакрыццё магчымых страт па спецыяльных партфелях аднародных крэдытаў, — з 1,1 да 1 стаўкі па пастаянна даступных аперацыях Нацбанка ў форме крэдыту авернайт.

«Гэтыя рашэнні накіраваны на зніжэнне велічыні перавышэння намінальнымі працэнтнымі стаўкамі ўзроўню фактычнай і прагназуемай інфляцыі», — удакладняе сваю пазіцыю Нацбанк. Акрамя таго, спецыялісты рэгулятара паведамляюць, што запавольванне тэмпаў росту грашовай масы, фарміраванне чыстай прапановы валюты на ўнутраным валютным рынку і нармалізацыя сітуацыі на дэпазітным рынку абумоўліваюць памяншэнне інфляцыйнага ціску ў краіне.

Тут эксперты банка звярнулі ўвагу на інфармацыю Белстата, паводле якой спажывецкія цэны ў сакавіку сёлета павялічыліся на 0,8% (іх сярэднямесячны прырост за папярэднія тры месяцы склаў 2%). У адносінах да сакавіка 2015 года спажывецкія цэны павялічыліся на 12,8%, а базавая інфляцыя (інфляцыя за вылікам адміністрацыйна рэгуляваных цэн і цэн на плодаагароднінную прадукцыю) склала 11,8%. «У найбліжэйшыя месяцы чакаецца далейшае зніжэнне тэмпаў росту цэн», — прагназуюць прадстаўнікі Нацбанка. Пры гэтым, працэнтныя стаўкі па рублёвых крэдытах і дэпазітах захоўваюцца на высокім станоўчым узроўні, у тым ліку ў рэальным памеры. Напрыклад, сёлета ў сакавіку стаўка па новых рублёвых крэдытах склала 33,4% гадавых, а па тэрміновых дэпазітах — 24,3% гадавых, што істотна перавышае ўзровень інфляцыі.

kurkасh@zvіаzdа.bу

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.