Свята працы — 1 мая — у эфіры «Беларусь 1» пачнецца з прэм'еры праграмы «Народная раніца». Гэта сумесны праект Белтэлерадыёкампаніі і Федэрацыі прафсаюзаў Беларусі. Рыхтуе яго творчая каманда журналістаў тэлерадыёкампаніі «Віцебск».
Стваральнікі праекта выбралі цікавы фармат — камандзіроўка па пісьмах. Кожны ахвотны можа накіраваць ліст на адрас: штаб-кватэра ФПБ, пр. Пераможцаў, 21, 220126, Мінск з расповедам пра чалавека, патлумачыўшы пры гэтым, чаму менавіта ён павінен стаць героем праграмы.
Далей вядучы са здымачнай групай прыязджае ў госці да выбранага героя. У кожны выпуск «Народнага раніцы» будуць уключаны спецыяльныя рубрыкі-сюжэты.
— Удзельнікам праграмы можа стаць і кожны жыхар таго раёна, адкуль і галоўны герой выпуску, — распавяла куратар праекта ад Белтэлерадыёкампаніі, загадчыца аддзела вытворчасці тэлевізійных праграм ТРК «Віцебск» Ксенія Асмалоўская. — Напярэдадні прыезду «народнага аўтобуса», які лёгка пазнаць па лагатыпу нашай праграмы, у мясцовых СМІ і працоўных калектывах будзе абвешчана пра дату і час сустрэчы з экіпажам «Народнай раніцы». У яго складзе — прафсаюзныя лідары, артысты, юрысты, лекары і іншыя спецыялісты, гатовыя даць кансультацыю.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».