Вы тут

Школа для пракурора


Генеральная пракуратура нашай краіны і Савет Еўропы правялі сумесную канферэнцыю.

Яна прысвечана прафесійнаму навучанню суддзяў і пракурораў. Як паведаміў у размове з журналістамі Аляксандр Канюк, генеральны пракурор нашай краіны, мерапрыемства праводзіцца па ініцыятыве Савета Еўропы.


На канферэнцыю прыехалі як прадстаўнікі міжнародных арганізацый, універсітэтаў, так і практыкі з Арменіі, Азербайджана, Грузіі, Казахстана, Кыргызстана, Малдовы, Расіі, Украіны.

— Прыбыў вельмі знакавы чыноўнік з Англіі, каб расказаць, якая сістэма падрыхтоўкі суддзяў і пракурораў у іх, — звярнуў увагу Аляксандр Канюк.

Філіп Буая, дырэктар Генеральнага дырэктарата па правах чалавека і вяршэнстве права Савета Еўропы, падзякаваў генеральнай пракуратуры нашай краіны за дапамогу ў арганізацыі канферэнцыі.

— Доўгатэрміновая мэта Савета Еўропы — убачыць Беларусь у складзе сваіх дзяржаў-членаў, — заявіў Філіп Буая. — Спадзяюся, што канферэнцыя будзе садзейнічаць гэтай мэце.

Ён нагадаў, што наша краіна ўжо з'яўляецца паўнапраўнай удзельніцай 10 канвенцый Савета Еўропы.

— Як сказаў міністр замежных спраў вашай дзяржавы генеральнаму сакратару Савета Еўропы ў снежні мінулага года, Беларусь разглядае магчымасць далучыцца і да іншых канвенцый Савета Еўропы, — адзначыў Філіп Буая. — Падчас знаходжання ў Беларусі ў мяне адбудуцца двухбаковыя сустрэчы, у тым ліку і ў Міністэрстве замежных спраў, для таго, каб паглядзець, якім чынам можна было б рухацца ў гэтым кірунку.

yushkevich@zviazda.by

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.