26 красавіка ў праваслаўным храме-помніку ў гонар абраза Маці Божай «Адшуканне загінулых», што ў Мінску, адбылася жалобная цырымонія. Па традыцыі ў ёй удзельнічалі супрацоўнікі розных падраздзяленняў органаў унутраных спраў, ветэраны-ліквідатары і прадстаўнікі грамадскасці.
Крыху пазней у парку Дружбы народаў ветэраны МУС сумесна з прадстаўнікамі органаў дзяржупраўлення ўсклалі кветкі да памятных знакаў «Ахвярам Чарнобыля» і «Камень міру Хірасімы». У сваю чаргу Ігар Шуневіч, міністр унутраных спраў, сустрэўся з міліцыянерамі-ліквідатарамі. Сярод іх былі і камандзіры першых зводных атрадаў МУС, што падтрымлівалі парадак у зоне адсялення. Ветэранам уручылі ўрадавыя і ведамасныя ўзнагароды, паказалі тэматычны фільм. Адбыўся канцэрт-рэквіем.
У рамках міліцэйскай акцыі «Па абавязку службы і поклічы сэрца», якая прайшла па ўсёй тэрыторыі краіны, ушаноўвалі і тых, каго ўжо няма з намі. Міністэрства таксама стараецца дапамагаць у рашэнні матэрыяльна-бытавых і іншых праблем пенсіянераў і інвалідаў тэхнагеннай катастрофы.
Як паведамілі ва ўпраўленні інфармацыі і грамадскіх сувязяў МУС, у ліквідацыі аварыі і яе наступстваў узяло ўдзел больш як 11 тысяч супрацоўнікаў беларускай міліцыі і вайскоўцаў унутраных войск. З першых дзён аварыі намаганні зводных атрадаў міліцыі былі скіраваны на аказанне дапамогі мясцовым жыхарам, садзейнічанне мясцовай выканаўчай уладзе пры адсяленні насельніцтва з забруджаных тэрыторый, супрацьстаянне марадзёрам, зладзеям.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.