26 Верасень, серада

Вы тут

На вуліцах Мінска


Мір, май, Мінск...


Святыя словы для Міхаіла Ясеня. Яны называюць асноўныя аспекты жыцця паэта, яго творчай дзейнасці. У Мінску ён нарадзіўся, працаваў інжынерам-канструктарам. Тут у яго душы выспявалі паэтычныя радкі, прысвечаныя роднай зямлі, яе мужнаму народу. Асабліва шчымлівыя пачуцці апаноўвалі паэта ў майскія дні, калі надзвычай востра згадваліся непаўторныя эпізоды з Вялікай Айчыннай вайны, удзельнікам, воінам-пераможцам якой быў і ён.

Да вершаў Міхаіла Ясеня звяртаюцца многія кампазітары. А песні Памяць сэрца, Майскі вальс, Ліст з 45-га, створаныя сумесна з Ігарам Лучанком, адразу загучалі і за межамі савецкай краіны.

Узнікненню новай песні На вуліцах Мінска паспрыяў спявак Сяргей Харэвіч (і запісаў яе на дыск). Ён быў блізка знаёмы з паэтам-франтавіком, дваццаць гадоў таму рыхтаваў матэрыялы пра яго да друку. У той час ён працаваў і над вакальнымі творамі Мікалая Сацуры, музычнага кіраўніка ансамбля Сябры. Спявак пяшчотна перадае мройны стан закаханых, бласлаўляе іх і заклікае быць пачуццёва суладнымі з салаўямі — вольнымі птушкамі, якія мілагучным спевам напаўняюць прастору духоўным хараством.

Верш Міхаіла Ясеня      Музыка Мікалая Сацуры

Ноч знікае, а Мінск сніць салодкія сны,

І бясконца гучаць салаўіныя трэлі.

У чаромсе яшчэ толькі птушкі адны

Песню шчасця жыцця даспяваць не паспелі.

 

Прыпеў:

Вы спявайце для нас, салаўі —

Птушкі волі, цудоўныя птушкі,

Ліце песні свае з вышыні

У шырокія, чуйныя душы.

Вы спявайце для нас, салаўі,

Вашы спевы — далёка і блізка.

І пачуцці любоўнай пары

Нас яднаюць на вуліцах Мінска.

 

І так хочацца нам зорнай ночкай любіць,

І глядзець у любімыя вочы так блізка,

І адчуць, зразумець, што так радасна жыць,

І блукаць у абдымку па вуліцах Мінска.

 

Прыпеў.

 

І так хочацца слухаць нам гімны любві,

І так хочацца верыць у блізкае шчасце

Гэтай роднай, сваёй, беларускай зямлі,

У якой, як у песні, наш лёс і багацце.

 

Прыпеў.

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.