Вы тут

Сустракай — «Цімураўцы.by»


Дзень піянерыі і 75-годдзе цімураўскага руху пераемнікі традыцый адзначаць вялікім злётам — пра гэта паведаміла «Чырвонцы. Чырвонай змене» старшыня Цэнтральнага савета Беларускай рэспубліканскай піянерскай арганізацыі Вікторыя МЯНАНАВА. Удзел у ІІІ Рэспубліканскім злёце пад назвай «Цімураўцы.by», які пройдзе ў сталіцы 20—22 мая, возьмуць фіналісты агляду-конкурсу піянерскіх агітбрыгад «Запалі агонь дабра!» і іншыя актывісты — усяго больш за 250 чалавек. Удзельнікі змогуць абмяняцца досведам, а таксама сплануюць дзейнасць руху ў краіне на бліжэйшыя тры гады.


Падчас злёту пройдуць урачыстая лінейка «75 цімураўскіх зорак» на Плошчы Перамогі, чарговы агляд-конкурс атрадаў «Запалі агонь дабра!», гісторыка-патрыятычны квэст «Цімураўцы.by» ў гістарычным цэнтры Мінска (для яго праходжання трэба будзе рашаць галаваломкі, лагічныя задачы, загадкі, умець працаваць у калектыве і, канешне, ведаць твор Аркадзя Гайдара «Цімур і яго каманда»), гала-канцэрт з удзелам зорак беларускай эстрады, а таксама канферэнцыя «Цімураўцы сёння: нясём радасць людзям!». Падчас апошняй удзельнікі абмяркуюць праблемы сучаснага руху, падзеляцца сваім бачаннем яго будучыні і ўнясуць прапановы ў выніковы дакумент форуму.

Дарэчы, мінулы год быў для арганізацыі юбілейным. За 25 гадоў БРПА стала самым масавым дзіцячым аб'яднаннем на постсавецкай прасторы. Цяпер у краіне дзейнічае каля трох тысяч піянерскіх дружын, удзел у якіх бяруць больш як 600 тысяч школьнікаў ва ўзросце ад 7 да 18 гадоў. У юбілейны год піянеры прынялі ўдзел у шэрагу акцый, асаблівае месца сярод якіх займалі мерапрыемствы, прысвечаныя 70-годдзю Перамогі ў Вялікай Айчыннай вайне: усебеларускім праекце «Ліст Пераможцу», прысвечанай Дню юнага героя-антыфашыста акцыі «Успомнім усіх пайменна», праекце сацыяльных ролікаў «Праўнукі Вялікай Перамогі», руху шэфства над 15 тысячамі ўдзельнікаў вайны «Ветэран жыве побач», мерапрыемствах па доглядзе за помнікамі і мемарыяламі «Абеліск» і шэрагу іншых.

lyskavets@zvіazda.by

Фота Надзеі БУЖАН

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.