Пасля дэнамінацыі пры абмене грошай узору 2000 года на суму ад 1 тысячы базавых велічынь і больш кліенту неабходна будзе прад'явіць пашпарт ці іншы ідэнтыфікацыйны дакумент. Гэтая інфармацыя размешчана на сайце Нацбанка.
Увогуле, ажыццяўленне фізічнай асобай падобнай фінансавай аперацыі (абмену) з наяўнымі грашыма на суму ад 210 млн рублёў старога ўзору з'яўляецца падставай для правядзення ідэнтыфікацыі кліента. Адпаведнае тлумачэнне змяшчаецца ў лісце Нацбанка ў адказ на зварот Асацыяцыі беларускіх банкаў наконт прымянення заканадаўства ў сферы прадухілення легалізацыі даходаў, атрыманых злачынным шляхам, пры абмене грашовых сродкаў у сувязі з дэнамінацыяй. У прыватнасці, у лісце рэгулятара гаворыцца, што калі банку невядомая крыніца паходжання сродкаў кліента, то Нацбанк рэкамендуе кіравацца прыкметай падазронасці фінансавай аперацыі, якая прапісана ў інструкцыі пра патрабаванні да правілаў унутранага кантролю.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
