Вы тут

20 мая адзначаецца Сусветны дзень метралогіі


20 мая беларускія метролагі разам з сусветнай метралагічнай супольнасцю адзначаюць Сусветны дзень метралогіі. Як адзначаюць у Дзяржстандарце, сёння наша краіна мае эфектыўную метралагічную інфраструктуру, якая карыстаецца міжнародным прызнаннем. У склад Дзяржаўнай метралагічнай службы ўваходзяць Нацыянальны метралагічны інстытут — Беларускі дзяржаўны інстытут метралогіі (БелДІМ) і 15 тэрытарыяльных цэнтраў стандартызацыі, метралогіі і сертыфікацыі.


Аснову для інавацый у навуцы і прамысловасці закладвае сучаснае вымяральнае і выпрабавальнае абсталяванне і створаная ў рэспубліцы эталонная база. «Яна ўключае 53 дзяржаўныя эталоны і будзе нарошчвацца з улікам пашырэння тэхнічнага патэнцыялу краіны. Эталоны ўзнаўляюць значэнні асноўных адзінак — даўжыні, масы, часу і частаты, тэмпературы, сілы святла, а таксама іншых адзінак у галіне фізіка-хімічных, аптычных, акустычных, электрычных, радыёэлектронных велічынь, вымярэнняў ціску і расходу, іанізуючых выпраменьванняў», — патлумачылі ў прэс-службе Дзяржстандарта.

— Можна з упэўненасцю канстатаваць, што дакладнасць нашых нацыянальных эталонаў у поўнай меры адпавядае міжнародным патрабаванням. Эталоны праходзяць міжнародныя параўнанні з эталонамі іншых краін, што забяспечвае ім прызнанне на сусветным узроўні, — падкрэслілі ў Дзяржстандарце.

Асаблівая ўвага сёння — да развіцця атамнай энергетыкі і звязаных з ёй тэхналогій, развіцця беларускай інфраструктуры ў сферы інфармацыйных тэхналогій, электроннай дыверсіфікацыі, абароны інфармацыі. Для забеспячэння высокадакладнымі вымярэннямі розных галін прамысловасці, будаўніцтва і сельскай гаспадаркі, стварэння новых матэрыялаў будуць створаны нацыянальныя эталоны адзінак цвёрдасці, ціску, цеплавога патоку і спатрэбіцца мадэрнізацыя эталона адзінкі масы. У Дзяржстандарце таксама дадалі, што ўзмацняецца ўвага і да пытанняў нацыянальнай бяспекі, абароны ад надзвычайных сітуацый і геадэзіі. «У гэтай рабоце варта асабліва адзначыць распрацоўку эталона адзінкі даўжыні — метра ў галіне вялікіх даўжынь. У рэспубліцы няма такога эталона, а без гэтага займацца геадэзіяй і GPS-навігацыяй практычна немагчыма».

Акрамя таго, будуць працягнуты работы і па стварэнні эталонаў, якія дазваляюць павысіць якасць медыцынскіх паслуг і забяспечыць неабходныя ўмовы для ацэнкі якасці асяроддзя пражывання.

«Вельмі важна, што ўсе эталоны, якія ствараюцца, адпавядаюць перспектыўным напрамкам навукова-тэхнічнага развіцця, задачам органаў дзяржаўнага кіравання, патрэбам прадпрыемстваў і будуць спрыяць пераходу на 6, 7-ы ўклад тэхналагічнага ўзроўню нашай прадукцыі», — падкрэслілі ў Дзяржстандарце.

Загаловак у газеце: Вымярэнні ў дынамічным свеце

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.