Калі раптам на нейкі час вы пусцілі сваё харчаванне на самацёк

• Ешце кашы, але не белыя, а грэцкую, аўсяную, ячную, яшчэ рыбу, гародніну, фрукты, зяленіва — любыя, якія можаце сабе дазволіць.
• Дарэчы, пакуль яшчэ можна не захапляцца свежымі гароднінай і зяленівам — падыдуць і замарожаныя.
• Вітаміны і мікраэлементы неабходны нам штодня, наесці іх пра запас немагчыма, так што вырашайце гэту задачу з адпаведнай перыядычнасцю. Хоць бы і з дапамогай полівітамінаў, якіх багата ў аптэцы.
• Што да харчавання, то не забывайце пры гэтым усё, што магчыма, ужываць з лупінай.
• Прыгатаваныя з гародніны салаты, вінегрэт ужывайце адразу, а не захоўвайце суткамі ў халадзільніку.
• Не наразайце гародніну надта дробна. З гэтай прычыны ўжываць адвараную бульбу значна карысней, чым бульбяны суп.
• Гатуйце гародніну на пары або запякайце.
• Не замочвайце гародніну (калі гэта не зяленіва) перад гэтым у вадзе, каб не страціць вітаміны.
• Назапашвайце энергію, ужываючы больш арэхаў і семак, а замест белага хлеба прывучайце сябе да хлеба з мукі грубага памолу і вотруб'я.
• Каб не «забіць» вітаміны падчас захавання і гатавання, трымайце прадукты ў халадзільніку; не наразайце загадзя; апускайце ў ваду, калі тая ўжо закіпела; не перамешвайце надта часта; ужывайце адразу пасля гатавання.

Урач-валеолаг Леанід МЯЛЕШКА нагадвае, што недахват карысных рэчываў у арганізме можа шкодным чынам адбіцца і на нашым псіхічным здароўі, самаадчуванні. Няправільнае харчаванне — таксама стрэс для арганізма.

protas@zviazda.by