Сом адкладае ікру пазней за асноўную масу рыб, калі вада добра прагрэецца.
— Згодна з Правіламі вядзення рыбалоўнай гаспадаркі і рыбалоўства, забарона на вылаў сома ўстанаўліваецца двойчы на год. У вясенне-летні перыяд ён дыферэнцаваны па рэгіёнах. У паўднёвых абласцях краіны (Брэсцкай і Гомельскай) абмежаванні ўжо пачалі дзейнічаць з 19 мая і працягнуцца да 20 чэрвеня. На астатняй тэрыторыі забарона будзе ўстаноўлена з 31 мая па 1 ліпеня, — паведаміла прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Вольга ГРАМОВІЧ.
Сом — не толькі важная прамысловая рыба, але і «моцнае» звяно ў харчовым ланцужку вадаёма: ён спажывае хворую і мёртвую рыбу, падтрымліваючы тым самым чысціню воднага асяроддзя. У той жа час сом застаецца прывабным трафеем для браканьераў, якія для яго вылаву выкарыстоўваюць не толькі забароненыя прылады, але і выбуховыя рэчывы.
Незаконная здабыча адной асобіны сома падчас забароны абыдзецца парушальнікам у 2 мільёны 520 тысяч рублёў (12 базавых велічынь). Акрамя таго, на іх будзе накладзены адміністрацыйны штраф — да 50 базавых велічынь. А ў выпадку, калі шкода ад нелегальнай рыбалкі складзе 100 і больш базавых велічынь, можа быць заведзена крымінальная справа.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.