Праграма яе знаходжання ўключала наведванне Паўднёва-Кітайскага педагагічнага ўніверсітэта, удзел у Форуме рэктараў універсітэтаў Кітая і Беларусі, які праходзіў на базе Гуандунскага ўніверсітэта замежных моў і знешняга гандлю, а таксама ўдзел у 2-м сумесным пасяджэнні Камісіі па супрацоўніцтве ў галіне адукацыі Беларуска-Кітайскага міжурадавага камітэта па супрацоўніцтве.
Зараз склалася ўстойлівая станоўчая дынаміка беларуска-кітайскага супрацоўніцтва ў сферы адукацыі. Актыўнаму развіццю ўзаемадзеяння паміж нашымі краінамі спрыяюць рэгулярныя сустрэчы на вышэйшым узроўні: дзяржаўныя візіты кіраўнікоў дзяржаў Беларусі і Кітая, а таксама кіраўнікоў урадаў дзвюх краін.
Назіраецца ўстойлівая тэндэнцыя да павелічэння акадэмічных абменаў паміж дзвюма краінамі: у Рэспубліцы Беларусь навучаецца каля 2000 грамадзян КНР і каля 400 грамадзян нашай краіны праходзяць навучанне ў Кітаі. У 2015 годзе было падпісана Пагадненне паміж урадамі Беларусі і Кітая аб супрацоўніцтве ў сферы адукацыі, дзякуючы чаму на штогадовай аснове ажыццяўляецца акадэмічны абмен у колькасці 40 чалавек.
У Беларусі таксама планамерна развіваецца сістэма вывучэння кітайскай мовы ў вышэйшых і агульных сярэдніх навучальных установах. Цяпер у краіне дзейнічаюць 3 Інстытута Канфуцыя і 5 класаў Канфуцыя. Кітайская мова вывучаецца ў школах і здаецца пры паступленні ў ВНУ на цэнтралізаваным тэсціраванні.
Пашыраецца двухбаковае супрацоўніцтва ў галіне навукі і інавацый. Беларускія і кітайскія партнёры ажыццяўляюць сумесныя даследаванні ў такіх галінах як фізіка плазмы, нанавугляродныя матэрыялы, хімія вадкіх крышталяў, экалогія, біятэхналогіі і IT-тэхналогіі, машынабудаванне, нанаматэрыялы і многіх іншых.
Актыўна развіваецца беларуска-кітайскае супрацоўніцтва па праекце тэхнапарка “Вялікі Камень”. На тэрыторыі парку плануецца размясціць вытворчыя і жылыя зоны, фінансавы і навукова-даследчы цэнтры, офісныя і гандлёва-забаўляльныя комплексы. Фактычна, недалёка ад Мінска будуецца сучасны міжнародны эка-горад з акцэнтам на высокатэхналагічныя і канкурэнтаздольныя інавацыйныя вытворчасці з высокім экспартным патэнцыялам.
Першы намеснік міністра адукацыі Рэспублікі Беларусь Вадзім Богуш і намеснік міністра адукацыі Кітайскай Народнай Рэспублікі Хао Пін падпісалі Пратакол другога сумеснага пасяджэння Камісіі па супрацоўніцтве ў галіне адукацыі Беларуска-Кітайскага міжурадавага камітэта па супрацоўніцтве. Далейшая дзейнасць міністэрстваў адукацыі дзвюх краін будзе скіравана на павелічэнне колькасці сумесных адукацыйных і навуковых структур, пашырэнне акадэмічных абменаў, стварэнне сумесных адукацыйных і навуковых праектаў. Сярод стратэгічных напрамкаў таксама пашырэнне вывучэння кітайскай мовы ў Беларусі і беларускай – у Кітаі.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
