Вы тут

Ландышаў цвет


Лірыка Уладзіміра Карызны напоўнена пяшчотна-музычным гучаннем. Гэта адразу адчуваюць кампазітары. У вершах паэта іх прываблівае таксама і рамантычнае развіццё перажыванняў, і арганічнае судакрананне з фальклорнай вобразнасцю.

Шмат вершаў Уладзіміра Карызны пакладзена на музыку. Вельмі плённым стала супрацоўніцтва паэта з сынам-кампазітарам Уладзімірам Карызнам. Іх сумесныя песні «Каліна ў полі», «Зоркі золкае каханне», «Калі цябе сустрэў», «Чырванее каліна», «Хвіліна святла», «Жаночая ласка», «Звон часу», «Возера Свіцязь» з асаблівай далікатнасцю перадаюць хваляванні ў пачуццёвых зносінах. А песня «Ландышаў цвет» выглядае непамерклым успамінам пра маладосць.

Усе шляхі ў маладосці асветлены бунтарскім пачуццём закаханасці. Увесь час яно прагне ласкавай узаемнасці, неадольна цягнецца да нябесна-зямнога хараства. І часта ландышы як сімвал чысціні і пяшчоты выконваюць місію пасланніка кахання. У песні «Ландышаў цвет» адлюстравана духоўнае ўзаемаперапляценне ландышаў і кахання. Яны абвастраюць наша ўспрыманне навакольнага свету. Каханне выклікае бураломную плынь пачуццяў у душы. А беласнежныя кветкі-званочкі ландышаў з непаўторна тонкім, пранікліва-чароўным водарам палоняць яе, трывожаць і робяць пачуццёвую памяць трывалай, прасветленай...


Верш У.І. Карызны

Музыка У.У. Карызны

Замятае вясна

Снегам ландышаў сцежкі ля хвой,

Па якіх салаўі

Нас калісьці вадзілі з табой.

Прыпеў:

Хай жа ясніцца век,

Колькі суджана жыць-перажыць,

Цёплых ландышаў цвет,

Што ля самага сэрца ляжыць.

Твае вочы тады

Зоркі ў хмарах запальвалі ўміг, —

І так светла было

Майму сэрцу ўсю ночку ад іх.

Прыпеў.

Я табе перадаў

У касу ад вярбы каснічок,

Калі сам запалаў

Ад гарачай зары тваіх шчок.

Прыпеў.

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».