Аб гэтым паведаміў старшыня Мінгарвыканкама Андрэй Шорац учора на гарадскім сходзе ўпаўнаважаных V Усебеларускага народнага сходу.
"За апошнія пяць гадоў значна пашырылася сацыяльная інфраструктура сталіцы. Пабудавана 68 аб'ектаў аховы здароўя, 18 аб'ектаў фізкультурна-аздараўленчага і спартыўнага прызначэння", - сказаў мэр сталіцы.
Паводле яго ацэнкі, за пяцігоддзе сістэма аховы здароўя сталіцы дасягнула дадатных вынікаў практычна па ўсіх аспектах дзейнасці. "Узровень дзіцячай смяротнасці адпавядае ўзроўню ў такіх краінах, як ЗША, Германія, Японія, Швецыя, Нарвегія. Зніжана смяротнасць мінчан ва ўсіх узроставых катэгорыях. Павялічылася да 75,5 года чаканая працягласць жыцця мінчан", - інфармаваў Андрэй Шорац.
Асвоены новыя формы работы з насельніцтвам: электронны рэцэпт, сістэма электроннай чаргі ў паліклініках, анлайн запіс на прыём да ўрачоў, электронная медыцынская картка пацыента. За мінулую пяцігодку ўкаранёны ў практыку ўнікальныя аперацыі па транспланталогіі, кардыяхірургіі, траўматалогіі, у мінулым годзе праведзена сур'ёзная мадэрнізацыя анкалагічнай службы горада.
Ключавымі напрамкамі развіцця гарадской аховы здароўя Андрэй Шорац назваў укараненне інфармацыйных тэхналогій, павышэнне якасці аказання медыцынскай дапамогі на ўсіх этапах, а таксама ўзмацненне прафілактычнай накіраванасці і прапаганды здаровага ладу жыцця.
У цэлым на сацыяльную сферу штогод накіроўваецца амаль 60 працэнтаў агульнага аб'ёму расходаў гарадскога бюджэту, дадаў Андрэй Шорац.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!