На Форуме экалагічных рашэнняў, які адбыўся ў Мінску 2 чэрвеня, прэзентавалі трэці Агляд выніковасці экалагічнай дзейнасці ў Беларусі — важны дакумент, у якім эксперты эканамічнай камісіі ААН ацэньваюць дасягненні краіны з пункту гледжання прыродаахоўнай палітыкі. Трэці Агляд быў праведзены летась. Беларусь атрымала высокую адзнаку — больш за 80% выніковасці.
— За апошняе дзесяцігоддзе дзяржаўная палітыка ў экалагічнай сферы прывяла да істотнага паляпшэння якасці жыцця, — паведаміў міністр прыродных рэсурсаў і аховы навакольнага асяроддзя Беларусі Андрэй КАЎХУТА.
Міністр заўважыў, што наша краіна гатова ўзяць на сябе абавязацельствы па выкананні рэкамендацый міжнародных экспертаў. У якасці прыярытэтных напрамкаў развіцця Андрэй Каўхута пазначыў стварэнне і развіццё інфраструктуры «зялёнага» нізкавугляроднага грамадскага транспарту, распрацоўку прававых асноў па вядзенні арганічнай сельскай гаспадаркі, садзейнічанне прасоўванню ўстойлівага спажывання (экалагічнага ладу жыцця), укараненне экалагічнай сертыфікацыі ў сістэму кіравання навакольным асяроддзем, распрацоўку і рэалізацыю нацыянальнага плана дзеянняў па ўкараненні прынцыпаў «зялёнай» эканомікі ў галінах народнай гаспадаркі краіны.
Удзельнікі форуму змаглі пазнаёміцца з сучаснымі экалагічнымі тэхналогіямі ў сферы энергетыкі, транспарту, арганічнай сельскай гаспадаркі, біялагічнай разнастайнасці, жыллёва-камунальнай гаспадаркі, кіравання воднымі рэсурсамі і абыходжання з адходамі. Аб'яднала ўсе гэтыя напрамкі «зялёная» эканоміка.
— Беларусь паступова ўкараняе прынцыпы «зялёнай» эканомікі, што дазваляе дасягнуць высокіх мэт, акрэсленых у Нацыянальнай стратэгіі ўстойлівага сацыяльна-эканамічнага развіцця Беларусі да 2030 года. Адна з такіх мэт — увайсці ў спіс 40 краін з высокім узроўнем індэкса чалавечага развіцця, — адзначыла намеснік пастаяннага прадстаўніка Праграмы развіцця ААН у Беларусі Кацярына ПАНІКЛАВА.
Акрамя таго, у сферы «зялёнай» эканомікі Беларусь актыўна супрацоўнічае з Еўрапейскім саюзам. Па словах кіраўніка прадстаўніцтва Еўрапейскага саюза ў Беларусі Андрэа Віктарын, добрымі прыкладамі партнёрства з'яўляюцца сумесныя інфармацыйныя сістэмы, кіраванне трансгранічнымі асабліва ахоўнымі прыроднымі тэрыторыямі, праекты па энергаэфектыўнасці і экалагічнай адукацыі.
Фота Кастуся ДРОБАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
