Вы тут

Збіраючыся на прыроду, зрабіце ўсё як належыць


Самае важнае летам — адпачыць так, каб пасля не пашкадаваць, не падарваць сваё каштоўнае здароўе, бо нават «звычайнае» атручэнне — магутны ўдар па арганізме.


Фота: picsfab.com

— Усё, што хутка псуецца, трэба пераносіць толькі ў сумцы-халадзільніку, — нагадвае ўрач-эпідэміёлаг Нінэль БІСКІНА. — Бо многія прадукты і стравы могуць служыць пажыўным асяроддзем для мікробаў. Таму пакіньце дома салаты з маянэзам і смятанай, стравы з яйкамі, малочныя прадукты, вэнджаніну, пірожныя і торты з крэмам.

  • Набывайце мяса ды іншыя прадукты толькі ў стацыянарных прадпрыемствах гандлю.
  • Звярніце ўвагу на ўмовы захоўвання прадукту. Калі вы не ў стане забяспечыць такі рэжым захоўвання, не бярыце яго з сабой.
  • Выкарыстоўвайце асобныя апрацоўчыя дошкі для сырой і гатовай ежы.
  • Уся ежа павінна быць недаступнай для насякомых, грызуноў і іншых жывёл. Закрывайце яе ў кантэйнеры, абкручвайце харчовай плёнкай.
  • Выкарыстоўвайце для смажання гатовы вугаль, металічныя шампуры, а для ежы — аднаразовы посуд і сталовыя прыборы. Смажце шашлык непасрэдна перад ужываннем. Памятайце, што смажанне шашлыку на мангале не гарантуе поўнага «абеззаражвання» — бактэрыі гінуць толькі пры 70-75 градусах. Для ўпэўненасці ў бяспецы мяса дадавайце шмат спецый, якія валодаюць здольнасцю абеззаражваць — чорны і чырвоны перац, шафран, чабор, куркума, гарчыца.
  • Ніколі не забывайце пра гігіену, мыйце рукі перад гатаваннем і ўжываннем ежы. Не лішнімі будуць у дарозе вільготныя сурвэткі, гель-антысептык. Пры гэтым мыць рукі, гародніну і садавіну, а таксама посуд можна толькі бутыляванай ці гатаванай вадой. Нельга ўжываць ваду з вадаёма.
  • Усё смецце неабходна выкінуць у спецыяльна адведзеным месцы.
  • Каб пазбегнуць укусаў кляшчоў, якіх багата ў лесе, надзявайце галаўны ўбор, адзенне, якое закрывае цела, апрацоўвайце вопратку рэпелентамі, рабіце самаагляд, пазбягайце высокай травы, размяшчайцеся на адкрытых сонечных пляцоўках. Калі клешч усё ж такі ўкусіў, трэба яго выдаліць і завярнуцца да ўрача, які прызначыць прафілактычны прыём прэпарата.
  • Падчас выбару месца для адпачынку звяртайце ўвагу на ўпарадкаванне пляжа, чысціню вадаёму і дазвол на купанне ў ім.

protas@zviazda.by

Загаловак у газеце: Вазьміце на пікнік

Дадаць каментар

Выбар рэдакцыі

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.