20-гадовая студэнтка хімічнага факультэта Белдзяржуніверсітэта Алена Клімовіч, пра якую зусім нядаўна пісала «Чырвонка. Чырвоная змена», днямі заваявала залаты медаль на І Міжнародным дзіцячым і маладзёжным фестывалі цыркавога мастацтва ў сталіцы Украіны.
Нумар беларускай цыркачкі пад назвай «Антыпод «Іншая» назвалі найлепшым у катэгорыі ад 18 да 25 гадоў. Сапернікамі дзяўчыны былі больш як паўсотні талентаў з розных краін.
Усяго ў фестывалі ўзялі ўдзел каля 200 маладых артыстаў з Украіны, Беларусі, Ізраіля, Егіпта, Латвіі. Для паветранай гімнасткі, якая паспявае вучыцца і працаваць у Белдзяржцырку, гэта ўжо трэцяя буйная ўзнагарода за апошні час. Днямі Алена Клімовіч стала яшчэ і стыпендыяткай Спецыяльнага фонду Прэзідэнта па падтрымцы таленавітай моладзі.
Убачыць пераможны нумар у выкананні артысткі на свае вочы можна ўжо цяпер — ён уключаны ў праграму «Я працую чараўніком», якая будзе дэманстравацца ў Белдзяржцырку да 24 ліпеня.
Фота Надзеі БУЖАН
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
