Фінал Нацыянальнага конкурсу прыгажосці «Міс Беларусь — 2016» усё ж адбудзецца 19 чэрвеня ў Палацы спорту. Тэлегледачы змогуць убачыць шоу ў эфіры тэлеканала АНТ у гэты ж дзень у 21.05.
Падрыхтоўка да яскравага шоу, дзе выберуць самую прыгожую юную беларуску, падыходзіць да завяршэння. За галоўны тытул будуць змагацца па апошніх звестках 26 канкурсантак з розных куткоў нашай краіны. Сярод прэтэндэнтак з'явіліся тры «новенькія» — Вераніка Кот з Ліды (з'яўляецца студэнткай Гродзенскага медыцынскага ўніверсітэта), Іна Котава з Гомеля (працуе ў банку) і Марына Кужалькова з Магілёва (вучыцца ў Беларуска-расійскім універсітэце). За ўсімі этапамі падрыхтоўкі дзяўчат да фіналу можна сачыць у дзённіках конкурсу ў праграме «Наша раніца» і на сайце тэлеканала АНТ з 9 чэрвеня.
Падчас фінальнага шоу 19 чэрвеня будуць аб'яўлены пераможцы ў намінацыях. А самая прыгожая дзяўчына краіны — пераможца атрымае званне «Міс Беларусь — 2016», карону з белага золата і будзе сёлета прадстаўляць нашу краіну на конкурсе прыгажосці «Міс свету».
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
