Сёння, 10 чэрвеня, канал «Культура» Беларускага радыё будзе весці вяшчанне з галоўнай пляцоўкі Нацыянальнага фестывалю беларускай песні і паэзіі «Маладзечна-2016», які ў гэты дзень адкрыецца ў культурнай сталіцы.
Мабільная пераносная студыя канала будзе размешчана побач з галоўнай сцэнай фестывалю, і запрошаныя госці змогуць падключыцца да размовы з журналістамі і радыёслухачамі ў прамым эфіры, не аддаляючыся пры гэтым ад месца асноўных падзей музычнага форуму.
Гасцямі спецыяльнага праекта «Канал «Культура» вяшчае з культурнай сталіцы» стануць арганізатары, удзельнікі і пачэсныя госці фестывалю. Побач з імправізаванай студыяй таксама можна будзе ўбачыць фотавыстаўку Марыны Бацюковай «Культура»: візуалізацыя», якая прыадкрые для наведвальнікаў сакрэты творчай эфірнай кухні.
Завершыцца святочны радыёдзень трансляцыяй дыскусіі, у ходзе якой будуць абмяркоўвацца перспектывы развіцця музычнай культуры Беларусі, творчы і культурны патэнцыял рэгіёнаў, а таксама пытанні ўзаемадзеяння сучасных паэтаў і кампазітараў. Пачатак размовы ў 19.00.
— Удзел у фестывалі беларускай песні і паэзіі «Маладзечна-2016» стане чарговым праектам нашага радыё, з шэрагу прымеркаваных да рэспубліканскай акцыі «Культурная сталіца Беларусі». У мінулыя гады нашы супрацоўнікі ўжо праводзілі падобныя акцыі ў Гродне і Брэсце, — азначыла кіраўнік канала «Культура» Кацярына Агеева.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.