27 чэрвеня ў сценах Белтэлерадыёкампаніі пройдзе праслухоўванне прэтэндэнтаў, якія збіраюцца пазмагацца ў Нацыянальным адборачным туры дзіцячага конкурсу песні «Еўрабачанне-2016».
Як вядома, арганізатарам Нацыянальнага адборачнага тура з'яўляецца галоўны медыяхолдынг краіны. Адбор праводзіўся ў адпаведнасці з Палажэннем, распрацаваным арганізатарам, і правіламі конкурсу, якія ўстанаўліваюцца Еўрапейскім вяшчальным саюзам. Сёлета да праслухоўвання будуць дапушчаны ўсе прэтэндэнты, чые заяўкі аформлены ў адпаведнасці з патрабаваннямі, названымі ў Палажэнні. Заяўкі прымаліся на працягу месяца, і сёння, 17 чэрвеня, — апошні дзень адпраўкі бандэроляў.
Ужо стала традыцыяй, што прэтэндэнты дасылаюць свае заяўкі ў апошнія дні адбору, і гэты год не стаў выключэннем. Таму Белтэлерадыёкампанія адводзіць «люфт» з 10 дзён для таго, каб усе адпраўленыя ва ўстаноўленыя тэрміны заяўкі паспелі паступіць на адрас медыяхолдынга і былі разгледжаны арганізатарамі адбору.
А ўжо 27 чэрвеня ў 14.00 патэнцыйныя ўдзельнікі музычнага дзіцячага форуму змогуць прадставіць свае кампазіцыі на суд прафесійнага журы. Па выніках праслухоўвання журы вызначыць ад сямі да дзесяці канкурсантаў для ўдзелу ў фінале, які будзе праведзены не пазней за 16 верасня 2016 года ў форме гала-канцэрта ў прамым эфіры тэлеканалаў «Беларусь 1» і «Беларусь 24».
Пераможца Нацыянальнага адборачнага тура, які вызначыцца па выніках галасавання прафесійнага журы і тэлегледачоў, прадставіць нашу краіну на дзіцячым «Еўрабачанні-2016» на Мальце ў горадзе Валета 20 лістапада. Эксклюзіўным вяшчальнікам дзіцячага конкурсу традыцыйна выступіць тэлеканал «Беларусь 1».
Усе правы, якія адносяцца да правядзення адбору, належаць выключна арганізатару адборачнага тура — Белтэлерадыёкампаніі.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.