Работнікам аховы здароўя
Рэспублікі Беларусь
Дарагія сябры!
Сардэчна віншую вас з прафесійным святам — Днём медыцынскіх работнікаў. Самааддана і нястомна працуючы, вы штодзённа ратуеце і дорыце людзям самае каштоўнае — жыццё. Вы прыходзіце на дапамогу ў самыя цяжкія хвіліны, вяртаючы пацыентам веру і надзею. Ваша прафесія патрабуе вялікай самааддачы, чуласці і цярпення. Гэта ваша прызванне.
Стабільна працуючая медыцынская галіна служыць надзейнай асновай сацыяльнай палітыкі нашай краіны, якая забяспечыла ў апошнія гады рост працягласці жыцця і нараджальнасці насельніцтва, зніжэнне смяротнасці.
Беларуская ахова здароўя славіцца сваімі традыцыямі найвышэйшага прафесіяналізму і міласэрнасці. Інтэнсіўна асвойваюцца перадавыя тэхналогіі, праводзяцца навуковыя даследаванні, ствараюцца новыя лекавыя сродкі, уводзяцца ў строй новыя медыцынскія ўстановы. Дасягненні беларускай медыцыны па заслугах ацэнены не толькі на радзіме, але і далёка за яе межамі.
У гэты святочны дзень ад усёй душы жадаю вам новых перамог і здзяйсненняў у вашай адказнай і высакароднай працы. Няхай нязменнай узнагародай за вашу работу будзе ўдзячнасць людзей, якім вы падарылі радасць жыцця і веру ў свае сілы. Жадаю добрага здароўя і дабрабыту вам і вашым сем'ям.
Прэзідэнт Рэспублікі Беларусь Аляксандр Лукашэнка
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.