Вы тут

Цi будзем сёлета з грыбамi i ягадамi?


Навукоўцы прадставiлi вынiкi даследавання на гэтую тэму.

Прагнозныя паказчыкi (балы) плоданашэння ягадных раслiн i ядомых грыбоў падрыхтаваны па вынiках манiторынгу Нацыянальнай акадэмii навук у лясным фондзе Беларусi ў красавiку–чэрвенi бягучага года на 10 пастаянных пунктах назiрання i 61 часовай пробнай плошчы.


Паводле даследаванняў, у Вiцебскай вобласцi прагназуецца ўраджай чарнiц, вышэйшы за сярэднi (4 балы), у астатнiх рэгiёнах чакаецца сярэдняя ўраджайнасць ягаднiка – 3 балы.

Нават пры спрыяльным летнiм надвор'i ўраджай бруснiц у Вiцебскай i Мiнскай абласцях абяцае быць сярэднiм (3 балы), у Брэсцкай, Гомельскай, Гродзенскай, Магiлёўскай — трохi нiжэй за сярэднi — 2 балы.

Прадукцыйнасць буякоў у Вiцебскай i Гомельскай абласцях чакаецца сярэдняй (3 балы), у астатнiх рэгiёнах Беларусi — нiжэйшай за сярэднюю (2 балы). Нiжэйшай за сярэднюю (2 балы) чакаецца i ўраджайнасць журавiн у Брэсцкай, Гомельскай, Гродзенскай i Магiлёўскай абласцях. А вось у Вiцебскай вобласцi ўраджай гэтага вiду прагназуецца вышэйшым за сярэднi (4 балы).

Надвор'е ў красавiку-маi адбiлася на цвiценнi ягаднiкаў, у першую чаргу чарнiц. З-за няўстойлiвага i халоднага надвор'я ў першай дэкадзе чэрвеня на ўсёй тэрыторыi Беларусi адбыўся больш iнтэнсiўны, чым меркавалася, адпад бутонаў, кветак i завязяў.

У сувязi з павышаным тэмпературным фонам i ўзрастаннем вiльготнасцi глебы ў сярэдзiне красавiка—першай палове мая ва ўсiх рэгiёнах Беларусi адзначаны страчкi i смаржкi, а на поўднi зафiксавана першая хваля белых грыбоў, падбярозавiкаў i чырвонагаловiкаў. У Брэсцкай, Гомельскай i Гродзенскай абласцях з'явiлiся масляты i лiсiчкi. Аднак рост пладовых цел ядомых грыбоў месцамi быў кароткачасовым з-за дэфiцыту вiльгацi ў глебе (дажджы iшлi лакальна) i значнага пахаладання ў канцы мая—пачатку чэрвеня. У першай палове чэрвеня ў лясах практычна па ўсёй тэрыторыi поўдня краiны адзначаны лiсiчкi.

Прагнозныя паказчыкi па тым, колькі вырасце ядомых грыбоў (на падставе сярэднiх шматгадовых даных i метэаралагiчных умоў мiнулага i бягучага года, якiя аказваюць уплыў на фармiраванне ўраджаю грыбоў у 2016 годзе), наступныя. Паводле вынiкаў манiторынгу, ураджай баравiкоў, чырвонагаловiкаў, падбярозавiкаў i лiсiчак па ўсiх абследаваных абласцях, акрамя Вiцебскай, чакаецца нiжэйшым за сярэднi (2 балы), апенек асеннiх — сярэднi (3 балы). Пры дастатковай колькасцi ападкаў у летнiя месяцы (лiпень-жнiвень), а таксама ў вераснi, плоданашэнне ўсiх вiдаў ядомых грыбоў па асобных тэрыторыях ляснога фонду Беларусi можа аказацца больш высокiм.

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.