Вы тут

Ірына Якалцэвіч выканала алімпійскі кваліфікацыйны нарматыў


Ірына Якалцэвіч стала пераможцай чэмпіянату Беларусі ў скачках з шастом і выканала алімпійскі кваліфікацыйны нарматыў.


Больш за 500 спартсменаў прымаюць удзел у чэмпіянаце, які праходзіць 23-25 чэрвеня ў Гродне. У першы дзень было разыграна 10 камплектаў узнагарод. Самы яркі і важкі рэзультат прынеслі скачкі з шастом у жанчын. Ірына Якалцэвіч, узяўшы вышыню 4 м 50 см, стала і чэмпіёнкай краіны і змагла выканаць алімпійскі нарматыў.

Сёння будзе разыграна 17 камплектаў узнагарод. Гарачая барацьба чакаецца ў сектары для кідання молата, дзе званне чэмпіёна краіны аспрэчаць Іван Ціхан і Павел Барэйша. Яны выйгралі кваліфікацыю з рэзультам 75,71 м і 73,59 м адпаведна. Цікавым будзе і фінал штурхання ядра ў жанчын, а таксама фінальныя забегі на 100 м з бар'ерамі. Упрыгожаць праграму турніру эстафеты 4 па 100 м, а таксама фінал скачкоў у даўжыню ў мужчын і жанчын.

Для спартсменаў старты важны не толькі з пункту гледжання ўзнагарод і тытулаў. Менавіта на чэмпіянаце краіны для некаторых з'яўляецца шанц заваяваць алімпійскую ліцэнзію. Акрамя таго, па выніках гродзенскіх стартаў будзе фарміравацца зборная каманда Беларусі для ўдзелу ў чэмпіянаце Еўропы і летніх Алімпійскіх Гульнях у Рыа-дэ-Жанэйра.

БЕЛТА

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.