Лондан адмаўляецца паддавацца ціску еўрапейскіх краін і не стане спяшацца з паведамленнем Бруселя аб намеры выхаду з Еўрасаюза, заявіў кіраўнік брытанскага знешнепалітычнага ведамства Філіп Хэманд.
«Для Брытаніі часовыя рамкі застаюцца ранейшымі. Нашы еўрапейскія партнёры хацелі б, каб мы рабілі гэта хутчэй, мы пад ціскам. Але перамовы не пачнуцца да моманту рэалізацыі артыкула 50 Лісабонскай дамовы», - удакладніў Хэманд.
Згодна з артыкулам 50 Лісабонскай дамовы, любы член Еўрасаюза можа пакінуць блок. Для пачатку працэдуры краіна павінна паведаміць Бруселю пра свае намеры, а затым правесці перамовы аб парадку выхаду. Усе дамовы ЕС у дачыненні да такой краіны перастаюць дзейнічаць з дня ўступлення ў сілу пагаднення аб спыненні членства, а пры яго адсутнасці праз два гады пасля паведамлення Бруселю.
24 чэрвеня, пасля таго як сталі вядомыя вынікі рэфэрэндуму, улады Еўрасаюза запатрабавалі, каб Брытанія як мага хутчэй апавясціла Брусель аб выхадзе з ЕС.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
