Вы тут

Цудоўны морс


Кулінарныя старонкі Ларысы Мятлеўскай

Морс — цудоўны напой, які ўжываюць, у залежнасці ад пары года, гарачым або халдным. Гатуюць яго з сумесі фруктовых або ягадных адвараў, сокаў і цукру. Морс — добры сродак падтрымаць імунітэт! Найбольш часта для прыгатавання морсаў ўжываюць брусніцы і журавіны

Морс з журавін

  • 1 шкл. журавін,
  •  0,5 шкл. цукру 
  • 1 л вады
  1. Журавіны перабраць, памыць,размяць драўляным таўкачыкам у керамічным або шкляным посудзе і адціснуць сок.
  2. Дадаць крыху гатаванай вады і працадзіць.
  3. Жамерыны заліць вадой, закіпяціць і працадзіць.
  4. У адвар усыпаць цукар, давесці да кіпення, астудзіць, перамяшаць са свежым сокам.

 

Морс з брусніц 

  • 150 г брусніц
  • 120 г цукру 
  • 1 л вады
  1. Ягады перабраць, памыць, размяць драўляным таўкачыкам у керамічным або шкляным посудзе і адціснуць сок.
  2. Жамерыны заліць гарачай вадой і кіпяціць пяць хвілін.
  3. Адвар працадзіць, усыпаць цукар, перамяшаць, давесці да кіпення, астудзіць.
  4. Цяпер самы час дадаць сюды свежы, раней адціснуты сок і вытрымаць напой адзін або два дні.

Ці ведаеце вы, што яшчэ ў пачатку ХХ ст. галоўным прадуктам, які даваў магчымасць забельваць у пост стравы, было насенне канопляў? «Малако» з канопляў меньш за ўсё падобнае да малака. Часам яно называлася сокам. Цяпер насенне канопляў практычна немагчыма здабыць, а вось міндаль ёсць паўсюдна.У пачатку ХХ ст. міндальнае малако было звычайным у заможных людзей. З такім малаком можна гатаваць аўсяны кісель, іншыя посныя слодычы, паліваць ім грэцкую кашу.

 

Піва грэтае поснае з мёдам

  • 3 л лёгкага піва
  • 1 лімон
  • 2-3 ст. лыжкі мёду
  1.  1 ст. лыжка аліўкавага алею.
  2. Нагрэць піва, у прапорцыі пасалоджанае мёдам, дадаць трохі аліўкавага алею, пакласці лімон, нарэзаны кружочкамі.

Аршад, або поснае малако

  •  400 г салодкага міндалю
  • некалькі арэхаў горкага міндалю
  •  1,2 л вады 
  • цукар па смаку
  1. Чатырыста грам салодкага міндалю і некалькі арэхаў горкага міндалю моцна растаўчы, заліць трыма шклянкамі вады і адціснуць адзін раз праз сурвэтку.
  2. Потым зноў патаўчы міндаль і другі раз адціснуць, заліўшы яшчэ трыма шклянкамі вады.
  3. Засаладзіць і падаць вельмі халодным.

 

Барбара любіла рабарбар!

Рабарбарам у Вільні колісь называлі рэвень. Прызнаюся: рэвень для мяне расліна, якая нагадвае пра каханне. З Вільняй цесна звязана імя Барбары Радзівіл. Магчыма, разам з Жыгамонтам Аўгустам яна любіла ласавацца кісялём з рабарбару і, хто ведае, можа, менавіта рабарбар спрыяў іх каханню.

Кісель з рэвеня

На 5 стаканаў негустога кісялю спатрэбіцца

  •  20-30 г крухмалу
  •  пучок чаранкоў рэвеню
  •  6-8 ст лыжак цукру
  1.  Чаранкі памыць, пачысціць ад ружовай абалонкі (калі яна загрубела), пакрышыць на невялікія кавалачкі, усыпаць цукар і зварыць.
  2. Развесці крухмал у халоднай гатаванай вадзе і ўліць у гарачы кампот, перамяшаць і крыху паварыць.
  3. Гатовы кісель разліць у кубкі.
  4. Калі хочаце, каб кісель атрымаўся густы, то крухмалу на гэту колькасць вады павінна быць 60-80 г.

 

Загаловак у газеце: Кулінарныя старонкі Ларысы Мятлеўскай

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Жыхаркі Аршаншчыны ўдзельнічаюць у праекце «Прадпрымальная землеўласніца»

Жыхаркі Аршаншчыны ўдзельнічаюць у праекце «Прадпрымальная землеўласніца»

Вёска з цяпліц, лабараторыя па вырошчванні раслін у прабірках, лекцыя па фінансавай адукаванасці...

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?