У рамках дзелавога візіту старшыня Нацыянальнага заканадаўчага сходу Тайланда Панпеч Вічытчалчай сустрэўся са старшынёй Палаты прадстаўнікоў Нацыянальнага сходу Уладзімірам Андрэйчанкам і старшынёй Савета Рэспублікі Міхаілам Мясніковічам. Абмяркоўваўся шэраг пытанняў, якія тычыліся пашырэння супрацоўніцтва ў сферы эканомікі, гандлю, лагістыкі і турызму.
Міхаіл Мясніковіч выказаў меркаванне, што Беларусь зацікаўлена ў выбудоўванні роўных партнёрскіх адносін з Тайландам. Ён адзначыў, што з візітам тайландскіх гасцей беларускі бок звязвае вялікія перспектывы. Аднымі з найважнейшых для беларусаў кірункаў з'яўляюцца ўзгодненая палітыка ў рабоце міжнародных арганізацый і ўмацаванне двухбаковых сувязяў. У сваю чаргу Уладзімір Андрэйчанка адзначыў, што Беларусь разглядае Тайланд як перспектыўнага партнёра ў рэгіёне Паўднёва-Усходняй Азіі і гатова займацца кааперацыяй па ўсім спектры двухбаковых адносін. Гэтаму таксама спрыяюць міжпарламенцкія адносіны, якія, на думку Уладзіміра Андрэйчанкі, апошнім часам вельмі інтэнсіўна развіваюцца. Таксама старшыня Палаты прадстаўнікоў звярнуў увагу і на рэгулярныя двухбаковыя сустрэчы і ўзаемадзеянне груп дружбы.
Па выніках сустрэчы старшыня Палаты прадстаўнікоў паведаміў, што ў Тайландзе ўжо ў найбліжэйшы час плануецца адкрыць ганаровае консульства Беларусі. Зусім нядаўна адкрылася аналагічнае ганаровае консульства Тайланда ў Беларусі. Акрамя таго, па словах спікера, на сустрэчы абмяркоўваліся пытанні спрашчэння візавага рэжыму для беларускіх грамадзян.
У сваю чаргу Міхаіл Мясніковіч выказаў упэўненасць у далейшым развіцці беларуска-тайландскіх адносін. Аднак для гэтага дзвюм краінам неабходна дэталёва прапрацаваць дагаворна-прававую базу, якая яшчэ фактычна знаходзіцца на пачатковай стадыі фарміравання.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
