Вы тут

Эвалюцыя як гарантыя стабільнасці


За ходам V Усебеларускага народнага сходу жыхары Гомельшчыны сачылі ўважліва. Праграма сацыяльна-эканамічнага развіцця Беларусі на 2011—2015 гады актыўна абмяркоўваецца ў многіх працоўных калектывах вобласці.


На прадпрыемствах і ў арганізацыях глядзелі трансляцыю форуму і абмяркоўвалі тэмы, паднятыя на высокім узроўні. Усебеларускі народны сход — гэта адна з формаў рэалізацыі нашых канстытуцыйных правоў, адзначае дэкан гуманітарна-эканамічнага факультэта Беларускага дзяржаўнага ўніверсітэта транспарту Валерыя Шыбаловіч:

— Гэта спосаб арганізаваць маштабны дыялог паміж уладай і народам. Для мяне вельмі важна, што ёсць стабільнасць дзяржаўнай палітыкі. Мы арыентаваны на планамернае сацыяльна-эканамічнае развіццё без рэзкіх скачкоў. Паглядзіце, як у нас сёння рэалізуюцца сацыяльныя гарантыі: гэта і будаўніцтва бальніц, школ, дзіцячых садоў. Наколькі нашы людзі палепшылі свае жыллёвыя ўмовы, колькі дзетак нарадзілася ў апошнія гады! У мяне ў самой сям'я папоўнілася дваімі дзецьмі. Ёсць магчымасці і для развіцця моладзі, у тым ліку і студэнцкай. Каб нам рэалізоўваць сацыяльныя праграмы, праводзіць рэформы ў сферы адукацыі (а гэта бюджэтная сфера), патрэбны рэсурсы. Значыць, неабходна развіваць прамысловасць і сельскую гаспадарку, пашыраць рынкі збыту нашай прадукцыі, павышаць канкурэнтаздольнасць, укараняць інавацыйныя тэхналогіі, прыцягваць дадатковыя інвестыцыі. Усё гэта ёсць у праграме на наступную пяцігодку.

Адміністрацыя Рэспубліканскага навукова-практычнага цэнтра радыяцыйнай медыцыны і экалогіі чалавека арганізоўвала трансляцыю V Усебеларускага народнага сходу не толькі для медыцынскіх работнікаў, але і для пацыентаў. Менавіта ў гэтай установе лечаць людзей, якія пражываюць на тэрыторыях, пацярпелых ад катастрофы на ЧАЭС, нагадвае намеснік дырэктара Рэспубліканскага навукова-практычнага цэнтра радыяцыйнай медыцыны і экалогіі чалавека Эльдар Надыраў:

— Мы спадзяёмся, што клопат дзяржавы пра людзей, якія пацярпелі ад наступстваў аварыі, абавязкова працягнецца і ў наступныя пяць гадоў. Тыя паказчыкі, якія запланаваны, павінны быць выкананы: гэта і павелічэнне чаканай працягласці жыцця да 75 гадоў, зніжэнне смяротнасці ў працаздольным узросце і дзіцячай, развіццё агульнай медыцынскай практыкі.

Загадчыца кафедры эканомікі і кіравання Гомельскага дзяржаўнага ўніверсітэта імя Ф.Скарыны Іна Бабына заўважае, што ўся эканоміка павінна стаць інавацыйнай па сваёй сутнасці. Напрыклад, шырокую вядомасць у свеце набыў шэраг камп'ютарных праграм беларускіх распрацоўшчыкаў, у цэлым работа Парка высокіх тэхналогій:

— Было б нядрэнна, калі б ён пачаў прырастаць за кошт стварэння новых структур у рэгіёнах. Сёння размова ідзе пра рэформы, але гэта рэформы эвалюцыйнага, а не рэвалюцыйнага характару. Для любога жыхара краіны гэта вельмі важна. Працаваць трэба ў правільна выбраным кірунку — тады будзе вынік. Таму мы павінны развівацца на прынцыпах зялёнай эканомікі і ў Рэчышчы эканомікі ведаў. Для нас сёння важна развіццё сферы паслуг, звязаных з інфармацыйнымі, камунікацыйнымі тэхналогіямі. Тут, улічваючы багаж ведаў, сістэму вышэйшай адукацыі, якая створана ў Рэспубліцы Беларусь, можна дабіцца важных поспехаў. Несумненна, прыярытэтамі будуць заставацца машынабудаванне і шэраг іншых традыцыйных галін, але неабходна шукаць новыя пункты росту, пра якія казаў Прэзідэнт краіны.

іost@zvіazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.