Пра гэта падчас прэс-канферэнцыі, на якой былі падведзены вынікі першага этапу выбарчай кампаніі ў парламент, заявіла старшыня Цэнтральнай камісіі па выбарах і правядзенні рэспубліканскіх рэферэндумаў Лідзія ЯРМОШЫНА.
«Выбары наогул на жаночых плячах у асноўным трымаюцца. Вось убачыце, ва ўчастковых камісіях будзе 75% жанчын, не менш», — лічыць кіраўнік ЦВК.
Лідзія Ярмошына падкрэсліла, што яна член толькі аднаго грамадскага аб'яднання — Беларускага саюза жанчын, які ў ходзе першага этапу кампаніі актыўна вылучаў прадстаўнікоў у акруговыя і тэрытарыяльныя выбаркамы. У акруговыя камісіі БСЖ вылучыў 117 чалавек, 95 з якіх увайшлі ў склад выбаркамаў гэтага ўзроўню. Прытым большасць (57,3%) членаў акруговых выбаркамаў менавіта жанчыны.
На думку старшыні камісіі, сёння пытанне гендарнага складніка — практычнае, якім цікавіцца кожная міжнародная дэлегацыя, што прыязджае ў нашу краіну. Часцей за ўсё запытваюць пра тое, ці плануецца павялічваць колькасць жанчын у парламенце. Але паўплываць на гэты працэс наўпрост нельга, лічыць яна. Так, у Беларусі створаны роўныя ўмовы для вылучэння ў кандыдаты ў дэпутаты для мужчын і жанчын. «Калі б у краіне была сістэма вылучэння па партыйных спісах, то можна было б абавязаць партыі выстаўляць пэўны працэнт мужчын і жанчын. Але мы ж не можам прымусіць выбаршчыка галасаваць за жанчыну, калі ён аддае перавагу прадстаўніку дужага полу», — дадала кіраўнік ЦВК.
Што тычыцца вынікаў першага этапу выбарчай кампаніі, то падчас яго грамадскія аб'яднанні і палітычныя партыі таксама вылучалі членаў у склад тэрытарыяльных і акруговых камісій. Па словах Лідзіі Ярмошынай, не ўсе дакументы былі пададзены партыямі правільна і своечасова, але гэта адбылося не па віне ЦВК, таму абвінавачванні ў бок камісіі з гэтай нагоды будуць лічыцца неабгрунтаванымі. Усяго ў Цэнтральную камісію з моманту абвяшчэння выбараў (з 6 па 28 чэрвеня) паступіла 16 зваротаў, з іх 11 «не маюць ніякага дачынення да выбараў». Толькі 5 зваротаў тычыліся выбарчай кампаніі, тры — тлумачэння заканадаўства, два — дзейнасці і ўтварэння выбаркамаў. Было і 4 вусныя звароты — кансультацыі з нагоды вылучэння кандыдатаў у дэпутаты.
Так, доля прадстаўнікоў у акруговых і абласных выбаркамах ад палітычных партый і грамадскіх аб'яднанняў склала больш за 50%, у тым ліку ад партый — 17,5%. Найбольш актыўнымі — па 7 прэтэндэнтаў ад кожнай — былі Камуністычная партыя Беларусі (якая праявіла найбольшую актыўнасць у вылучэнні членаў у акруговыя камісіі), Беларуская партыя левых «Справядлівы свет» і Ліберальна-дэмакратычная партыя. Усяго сярод 1430 членаў акруговых выбаркамаў 17% — дзяржслужачыя, каля 5% — грамадзяне ва ўзросце да 30 гадоў. Ад партый і грамадскіх аб'яднанняў вылучаны 970 чалавек, з якіх прадстаўнікоў партый — 195 (з іх 77 ад КПБ, 42 — ад Рэспубліканскай партыі працы і справядлівасці, ад ЛДП і Беларускага народнага фронту — 5 прадстаўнікоў).
Падчас сёлетняй парламенцкай кампаніі ўпершыню ствараюцца тэрытарыяльныя выбаркамы на ўзроўні кожнай вобласці і Мінска, якія будуць вырашаць тыя спрэчкі, якія раней разглядаў ЦВК. У іх на 91 месца былі вылучаны 144 чалавекі. Найбольшы конкурс адбыўся ў Магілёўскай вобласці — 26 прэтэндэнтаў, менш за ўсё вылучана ў Гродзенскай вобласці — 16 чалавек.
Што тычыцца акруговых камісій, то максімальная колькасць членаў для ўсіх 110 — 1430 чалавек. У кожнай камісіі павінна быць па 13 чалавек. «Усяго было прадстаўлены 2194 камплекты дакументаў. Самы высокі конкурс быў у Гродзенскай і Брэсцкай абласцях. У Гродзенскай вобласці на 13 камісій 356 прэтэндэнтаў, у Брэсцкай — 325 кандыдатаў на 16 акруговых выбаркамаў. У Мінску на 20 камісій былі вылучаны 342 чалавекі», — адзначыла Лідзія Ярмошына.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
