Вы тут

Ваеннае кіно, парад і віншаванні да свята


Да Дня Незалежнасці Рэспублікі Беларусь тэле- і радыёканалы Белтэлерадыёкампаніі рыхтуюць для сваіх гледачоў прамыя трансляцыі асноўных урачыстых мерапрыемстваў, тэматычны паказ мастацкіх, дакументальных фільмаў і канцэртныя праграмы. Па добрай традыцыі кожны тэлеканал упрыгожаць святочныя лагатыпы.


У эфіры «Беларусь 1» і «Беларусь 24» 2 ліпеня будуць паказаны ўрачысты сход і святочны канцэрт майстроў мастацтваў «Беларусь — імя святое», прысвечаныя Дню Незалежнасці, а на наступны дзень у 10.55 тут пачнецца прамая трансляцыя парада войскаў Мінскага гарнізона «Са святам, любая Айчына!».

Спецыяльна ў Дзень Незалежнасці на «Беларусь 1» выйдзе заключная восьмая серыя мастацка-публіцыстычнага цыкла фільмаў «Гумар на вайне» (першы выпуск гледачам быў прадстаўлены 9 мая). Праект уяўляе сабой мюзікл, складзены з сатырычных песень, жартаў і кур'ёзных сітуацый, якія здараліся на вайне і ўздымалі баявы дух салдат. Не абыдзецца на «першай кнопцы» і без тэматычных кінапаказаў. Для прагляду прапануюцца: драма «Брэсцкая крэпасць», лірычная камедыя «Белыя росы», ваенны баявік «Смерш».

Тэлеканал «Беларусь 2» 3 ліпеня ў ранішнім эфіры пакажа хранікальна-дакументальны фільм з цыкла «Партызаны». Потым ваенную тэму працягне драма «Аляксандр маленькі», у аснову якой пакладзены сапраўдны факт аб савецкіх салдатах, што арганізавалі ў 1945 годзе на вызваленай тэрыторыі Германіі дзіцячы дом. Таксама зможам убачыць кінакарціну з залатога фонду савецкай кінакласікі — «Жэня, Жэнечка і «кацюша». У вячэрнім эфіры — знакамітая кінааповесць «А досвіткі тут ціхія».

На «Беларусь 3» вас чакае «Беларускі канцэрт», дзе будуць прадстаўлены эксклюзіўныя гістарычныя кадры з выступленнямі лепшых беларускіх артыстаў у суправаджэнні Дзяржаўнай харавой капэлы пад кіраўніцтвам народнага артыста СССР Рыгора Шырмы, знятым кінастудыяй «Беларусьфільм» у 1955 годзе. Таксама ў эфіры тэлеканала зможам убачыць чарговую экспедыцыю праекта «Наперад у мінулае» і пачуць лепшыя аранжыроўкі песень у хіт-парадзе «Сто песень для Беларусі».

Тэматычны эфір, прымеркаваны да Дня Незалежнасці, таксама прадстаўлены на Першым нацыянальным канале Беларускага радыё. У вячэрнім эфіры 1 ліпеня тут плануецца шырокае асвятленне ўрачыстага сходу і святочнага канцэрта майстроў мастацтваў Беларусі. У праграме «Адкрытая пляцоўка» і выпусках «Навін» даведаемся пра акцыю «Дзень вышыванкі». Не абыдзецца і без тэматычнага радыёдня 3 ліпеня. Выйдзе святочны выпуск публіцыстычнай праграмы «Беларусь — найноўшая гісторыя». Акрамя таго, павялічыцца колькасць інтэрактыўных віншавальных праграм, дзе ў слухачоў Першага нацыянальнага канала будзе больш магчымасцяў накіраваць адно аднаму святочныя прывітанні.

drapko@zviazda.by

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».