Вы тут

Талент на Мальту прывядзе


Склад удзельнікаў фіналу Нацыянальнага адборачнага тура дзіцячага конкурсу песні «Еўрабачанне-2016» стаў вядомы 27 чэрвеня. Дзясятку фіналістаў па выніках праслухоўвання выбрала прафесійнае журы.


Арганізатары дапусцілі ўсіх прэтэндэнтаў, чые заяўкі былі аформлены ў адпаведнасці з патрабаваннямі. У выніку пачулі 45 удзельнікаў, сярод якіх 39 сольных выканаўцаў і 6 вакальных гуртоў. Кожны з прэтэндэнтаў прадставіў сваю творчасць у студыі гуказапісу Белтэлерадыёкампаніі ў рэжыме жывога гуку і ў суправаджэнні музыкі і (ці) фанаграмы, запісанай без вакалу.

У фінале адборачнага тура мы на гэты раз убачым і пачуем наступных юных артыстаў: Аляксандра Міненку, Юлію Мажылоўскую, Стэфанію Сакалову, Зінаіду Купрыяновіч, Марыю Жыліну і гурт «Нясумны ўзрост» з Мінска, Марыю Магільную, Алену Цітову і Вольгу Канавалаву з Магілёва, а таксама шоу-групу «So-Nі-Ka» з Віцебска.

Фінальнае шоу ў форме гала-канцэрта адбудзецца ў прамым эфіры тэлеканалаў «Беларусь 1» і «Беларусь 24» не пазней за 16 верасня.  Па традыцыі эксклюзіўным вяшчальнікам як Нацыянальнага адбору, так і міжнароднага дзіцячага конкурсу песні выступае тэлеканал «Беларусь 1».

drapko@zviazda.by

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.