Вы тут

АНТ пакажа «Беларусь без межаў»


Тэлевізійны праект з аднайменнай назвай стартуе ў эфіры тэлеканала 4 ліпеня. У першай праграме цыкла мы ўбачым вандроўку беларускага гурта  «Без Білета» на возера Байкал (Расія, Іркуцкая вобласць). Пасля кожны панядзелак  нас чакае эпізод  з кругасветнай вандроўкі групы, мэта якой — вызначыць, што значыць «быць беларусам».


Створаны праект «Беларусь без межаў» у выніку супрацоўніцтва камунікацыйнага агенцтва NEF\TBWA сумесна з тэлеканалам АНТ і музыкантамі «Без Білета».

«На ідэю такой вандроўкі нас натхніла песня «Без Білета» «Адрас — планета Зямля». Удзельнікі групы пабывалі ў шасці краінах свету: Расіі, Чылі, Егіпце, Перу, ЗША і Бразіліі і сустрэліся там з нашымі землякамі. Разам з імі музыкі пацвярджалі здольнасць беларусаў дапамагаць, слухаць, чуць і дзейнічаць. Праект паказвае, наколькі шматгранны і запатрабаваны характар нашых людзей ва ўсім свеце, пераконвае суайчыннікаў у іх унікальнасці, натхняе іх на здзяйсненні, якія дазваляюць займаюць годнае месца сярод усіх народаў планеты. У «Беларусі без межаў» мы прапаноўваем магчымасць кожнаму зазірнуць у любую кропку свету, дзе жывуць нашы землякі», — апісвае ідэю праекта кіраўнік камунікацыйнага агенцтва NEF\TBWA Алег Раманаў.

За час кругасветнага падарожжа ў рамках праекта ўдзельнікі «Без Білета» наведалі 9 знакавых месцаў са сваёй песні «Адрас — планета Зямля». І гэтая вандроўка легла ў аснову тэлевізійнага праекта, створанага пры падтрымцы тэлеканала АНТ, які складаецца з 9 перадач. Першы выпуск убачым 4 ліпеня.

— Мы — не прафесійныя вядучыя, але зрабілі ўсё, каб гледачам было цікава. Мы ўключыліся ў «Беларусь без межаў», бо праект імкнецца аб'яднаць беларусаў, якія гэтак жа, як і мы, вераць у мысленне без абмежаванняў. Тых, хто ведае, што мы можам і павінны быць людзьмі, пра якіх гавораць з павагай і гонарам. Мы кажам «не» — межам у светапоглядзе і культуры і «так» — жаданню праславіць Беларусь. Спадзяёмся, што разам зможам дамагчыся шмат чаго», — дзеліцца сваімі думкамі ад удзелу ў праекце саліст гурта «Без Білета» Віталь Артыст.

drapko@zviazda.by

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.