Вы тут

Пешаходны Мінск


“Пешеходка.бел” – адзін з самых буйных вулічных праектаў за апошнія гады ў Мінску. Гэтаму мерапрыемству ўжо не першы год. Праўда, такі маштаб яно набыло толькі ў 2016-ым: лета ў Мінску яшчэ ніколі не было настолькі жывым і актыўным.


Канцэрт гурта J:морс

У гэтыя выходныя праект атрымаўся асабліва цікавым, кантрасным і глабальным. Субота праверыла беларусаў на цягавітасць. У гэты дзень быў пабіты тэмпературны рэкорд за 109 гадоў! Але анамальная спякота не стала перашкодай на шляху да творчасці. Людзі, у тым ліку і турысты, збіраюцца вакол "культурных" пляцовак. 

Майстар-клас па танцах

Што, зразумела, становіцца нагодай для з’яўлення ў Старым горадзе не толькі стацыянарных шапікаў з сувенірамі, але і часовых кропак гандлю. На працягу дня тэмпература зніжалася, а колькасць людзей павялічвалася. Таму каля Ратушы на канцэрце групы Intelligency гледачоў было досыць.

 

Дарэчы, адбывалася адна цікавая рэч, апетая калісьці Вольскім, - горад нібы падзяліўся на Менск і Мінск. У старой яго частцы (Верхнім горадзе) ва ўсю "грукатала" вулічнае мастацтва. А ў новай, каля Палаца Спорту, святкавалі Дзень вышыванкі з шашлыком і “традыцыйнымі забавамі”. “Мы жывем адначасова ў двух гарадах, падваенне асобы зрывае нам дах, дык няўжо нам ніколі ня склеіць, ня сшыць, Менск і Мінск – дзьве паловы сталічнай душы”.

Рамеснікі хаваюцца ад спякоты

У Дзень незалежнасці "пешеходка" таксама не расчаравала, аднак стала яшчэ адным выпрабаваннем стойкасці беларусаў. Навальніца, вецер і маланка наведалі Мінск. З-за непрыстасаванасці пляцовак да такіх умоў, шэраг выступаў прыйшлося адмяніць. Але нават аранжавы ўзровень небяспекі не перашкаджаў атрымліваць асалоду ад музыкі. Пад вечар надвор’е ўсё ж такі дало гледачам трохі расслабіцца і канцэрт гурта J:морс адбыўся.

Тэатр танца Альтанта

На мой погляд, выходныя паказалі, што жыхары і госці Мінска гатовыя прайсці агонь, ваду і медныя трубы на шляху да мастацтва. А “Пешеходка.бел” будзе працаваць на працягу ўсяго лета, па выходных з 12.00 да 22.00.

Яна Мусвідас

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.