Сёння адбылося ўрачыстае адкрыццё трэцяга працоўнага семестра на Усебеларускай маладзёжнай будоўлі ў Астраўцы.
На ўзвядзенні аб'ектаў Беларускай атамнай электрастанцыі будзе задзейнічаны зводны міжнародны студэнцкі атрад імя двойчы Героя Савецкага Саюза маршала Мікалая Іванавіча Крылова. У яго састаў увойдуць 5 лінейных будаўнічых атрадаў з Расіі і 18 будатрадаў, сфарміраваных на базе ўстаноў адукацыі Беларусі. Таксама будуць задзейнічаны грамадзяне Казахстана. Агульная колькасць студатрадаўцаў складзе 428 чалавек. У прыватнасці, байцы будуць выконваць бетонныя і каменныя работы, розныя віды арміравання, дарожныя і геадэзічныя работы, зоймуцца мантажом металаканструкцый і цеплаэнергетычнага абсталявання. З кожным удзельнікам студэнцкага атрада заключаны тэрміновы працоўны або грамадзянска-прававы дагавор, праведзены інструктаж. Хлопцы будуць забяспечаны спецвопраткай, спецабуткам, сродкамі індывідуальнай абароны. Студатрадаўцаў чакае насычаная культурная і спартыўная праграма. Пройдуць турніры па футболе, валейболе, баскетболе. Для ўдзельнікаў студатрадаў будуць арганізаваны экскурсіі па Астраўцы, паездка ў аграгарадок Гервяты на канцэрт арганнай музыкі ў касцёл Святой Тройцы, падарожжа па гістарычных мясцінах Беларусі і іншае. Урачыстае закрыццё трэцяга працоўнага семестра на Усебеларускай маладзёжнай будоўлі запланавана на 26 жніўня.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
