Купальская вечарына ў батанічным садзе, класіка каля ратушы, TheatreHD і выстава лялек – афіша «Звязды» з 8 па 14 ліпеня.
Дзе: Цэнтральны батанічны сад НАН Беларусі (пл. Калініна)
Калі: 9 ліпеня, 17:30
Колькі каштуе: 6 руб.; школьнікі, студэнты, пенсіянеры – 3 руб; дзеці да 6 гадоў – бясплатна
У гэтым годзе арганізатары пастараліся максімальна перадаць атмасферу свята Івана Купала.
Гасцей чакае шмат музыкі на старадаўніх інструментах, народныя гульні, карагоды і жарты. У гэты дзень можна будзе паслухаць беларускую музыку, навучыцца на майстар-класах народным танцам, сплесці вянок, зрабіць «ляльку-абярэг» і «купальскую кветку», паваражыць на вянках на возеры, пакаштаваць гарбату з лекавых траў ад батанічнага саду.
Акрамя гэтага, прафесійныя экскурсаводы правядуць эксклюзіўныя экскурсіі па калекцыі траў «магічнай і гаючай сілы». Пачатак у 17:30.
Дзе: Мінская гарадская ратуша
Калі: 9 ліпеня, 20:00
Колькі каштуе: бясплатна
Кожную летнюю суботу Мінск чакае серыя ўнікальных канцэртаў «Класіка каля ратушы з velcom». Упершыню праект прайшоў летам 2015 года.
У гэтую суботу, 9 ліпеня, адбудзецца 3D-канцэрт і вечар сімфанічных шэдэўраў. На сцэне выступіць ансамбль салістаў «Парціта». У праграме – віртуозная і яркая музыка Г. Ф. Гендэля, А. Вівальдзі, В. А. Моцарта, Ё. Гайдна і А. Сальеры. Выступіць таксама і Дзяржаўны акадэмічны сімфанічны аркестр пад кіраўніцтвам народнага артыста Беларусі маэстра Аляксандра Анісімава, які выканае сімфанічныя шэдэўры П. Чайкоўскага, І. Штрауса, Я. Сібеліуса, А. Дворжака.
Дзе: Нацыянальны гістарычны музей Рэспублікі Беларусь (вул. К. Маркса, 12)
Калі: па 10 ліпеня з 11:00 да 19:00 кожны дзень
Колькі каштуе: удакладняць у касе
Выстава спрабуе паказаць, якім чынам змянялася грашовае абарачэнне ў Беларусі на працягу амаль дзвюх тысяч год. Адсюль і яе назва – «Ад рымскага дэнарыя да беларускага рубля». Асаблівая ўвага надаецца грашовым рэформам, якія адбываліся на беларускіх землях у розныя часы.
Інтэрактыўны элемент праекта – дэтэктар банкнот, на якім кожны жадаючы можа спраўдзіць аўтэнтычнасць сваіх папяровых грашовых знакаў.
Дзе: кінатэатр «Цэнтральны»
Калі: 13 ліпеня, 19:00
Колькі каштуе: удакладняць у касе
Дзякуючы праекту Theatre HD пастаноўкі лепшых заходніх тэатраў можна ўбачыць у любой кропцы свету. Усё, што для гэтага трэба, – квіток у кіно.
«Кар Мэн» пастаўлены па матывах, але вельмі аддаленых, знакамітай оперы Жоржа Бізэ «Кармэн», для якой была напісана адна з самых вядомых класічных партытур.
Усім вядомая гісторыя з XIX стагоддзя і тытунёвай фабрыкі пераехала ў зашмальцаваную аўтамайстэрню-забягалаўку ў Амерыцы 60-х гадоў, дзе страсці і мары жыхароў маленькага гарадка разбіваюцца ўшчэнт са з'яўленнем абаяльнага незнаёмца.
Дзе: тэатр Генадзя Гладкова (пр-т Незалежнасці, 25)
Калі: 14 ліпеня, 19:00
Колькі каштуе: ад 10 руб.
У адзін вечар прагучаць галоўныя хіты з самых папулярных сусветных мюзіклаў: ад брадвейскай класікі («Прывід оперы», «Вэстсайдская гісторыя», «Кабарэ», «Чыкага», «Эвіта», «Спяваючыя пад дажджом») да твораў айчынных аўтараў Генадзя Гладкова, Максіма Дунаеўскага, Аляксея Рыбнікава.
Нумары з лепшых сусветных мюзіклаў прадставяць вядучыя беларускія артысты музычнага тэатра.
Дзе: Мастацкая галерэя Міхаіла Савіцкага (пл. Свабоды, 15)
Калі: па 31 ліпеня; сер. – нядз. з 11:00 да 19:00
Колькі каштуе: удакладняць у касе
Лялькі Анастасіі Адамовіч – гэта персанажы міфаў, казак, гарадскіх легенд і літаратурных твораў. На выставе можна ўбачыць больш за 20 твораў, выкананых у разнастайных аўтарскіх тэхніках.
Усе экспанаты выставы зроблены па арыгінальных аўтарскіх эскізах і створаны ў адзінкавым экземпляры.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
