Вы тут

Радыё «Беларусь» працягвае конкурс эсэ


«Усход і Захад сустрэліся ў парку «Вялікі камень» — такія радкі змяшчаюцца ў адным з лістоў, якія паступілі на міжнародны конкурс творчых работ «Беларуска-кітайскае супрацоўніцтва. Шаўковы шлях і індустрыяльны парк «Вялікі камень» маімі вачыма». Аўтар ліста, фермер Чжоу Фэй з невялікага кітайскага гарадка ў правінцыі Шаньдун, выказаў у вершаванай форме сваё бачанне перспектыў супрацоўніцтва паміж Беларуссю і КНР.


Нагадаем, старт творчаму конкурсу, які праводзіць міжнароднае радыё «Беларусь» Белтэлерадыёкампаніі сумесна з Пасольствам Кітайскай Народнай Рэспублікі ў Рэспубліцы Беларусь, Беларускім таварыствам дружбы і культурнай сувязі з замежнымі краінамі і Рэспубліканскім інстытутам кітаязнаўства імя Канфуцыя Беларускага Дзяржаўнага ўніверсітэта, быў дадзены 15 красавіка.

— Мэтай конкурсу з'яўляецца прасоўванне ў сусветнай медыяпрасторы беларуска-кітайскага стратэгічнага партнёрства, інфармаванне беларускай і сусветнай грамадскасці аб міжнародным праекце «Эканамічны пояс Шаўковага шляху» і індустрыяльным парку «Вялікі камень», а таксама папулярызацыя ведаў аб радыё «Беларусь» і нашай краіне ў цэлым, — адзначыў галоўны дырэктар радыё «Беларусь» Навум Гальпяровіч. — Пачынаючы гэты конкурс, мы і не думалі, што многім людзям у Кітаі і ў нашай краіне тэма беларуска-кітайскага супрацоўніцтва ўяўляецца актуальнай і цікавай.

Зараз свае творы на конкурс даслалі кітайскія і беларускія аўтары, якія жывуць не толькі ў розных абласцях нашай рэспублікі ці правінцыях Кітая, але і ў іншых краінах, напрыклад у Польшчы. Як правіла, гэта аповеды пра тое, з чым асацыюецца Беларусь у кітайцаў, а Кітай — у беларусаў. Удзельнікі дасылаюць свае работы на рускай, беларускай і кітайскай мовах у самых розных жанрах, у прозе і ў вершаванай форме.

Конкурс працягваецца, і творчыя работы можна дасылаць на спецыяльны электронны адрас sіlkwayessay@gmaіl.com да 31 снежня 2016 года.

Інфармацыю аб конкурсе можна знайсці ў спецыяльным раздзеле на афіцыйным сайце міжнароднага радыё «Беларусь» www.radіobelarus.tvr.by. Там жа ёсць магчымасць азнаёміцца з некаторымі работамі, дасланымі на конкурс.

Канчатковыя вынікі конкурсу будуць падведзены ў пачатку 2017 года на ўрачыстай цырымоніі ўзнагароджання пераможцаў і прызёраў. Дваццаць найлепшых работ будуць апублікаваны ў спецыяльным выданні.

Алена ДРАПКО

drapko@zviazda.by

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.