Вы тут

«Купальская казка» ад тэлеканала АНТ


Па традыцыі ў аграгарадку Александрыя 9-10 ліпеня 2016 года пройдзе двухдзённы фестываль «Александрыя збірае сяброў — 2016», прысвечаны самаму таямнічаму і казачнаму славянскаму святу — ночы на Івана Купалу. Цэнтральным мерапрыемствам святкавання стане гала-канцэрт «Купальская казка», створаны дырэкцыяй спецыяльных праектаў тэлеканала АНТ пры ўдзеле больш як 200 прадстаўнікоў эстрады і творчых калектываў Беларусі і суседніх краін. І ўвазе тэлегледачоў ён будзе прадстаўлены 10 ліпеня ў вячэрнім эфіры.


Аўдыторыя зможа акунуцца ў містычную атмасферу Купалля, стаць непасрэдным удзельнікам чараўніцтва, што адбываецца ў купальскую ноч. Як абяцае аўтар сцэнарыя «Купальскай казкі» Максім Сокал, нас чакае сапраўднае чараўніцтва. Паводле яго слоў, у спектаклі будзе з чаго пасмяяцца і чым замілавацца, казка для дарослых нікога не пакіне абыякавым. Перыпетыі паміж героямі, любоўная лінія ў казачным антуражы будуць гарманічна спалучацца з яркімі выступленнямі эстрадных выканаўцаў і заслужаных калектываў, сярод якіх Беларускі дзяржаўны харэаграфічны ансамбль «Харошкі», Прэзідэнцкі аркестр Рэспублікі Беларусь, ІVAN, Георгій Калдун, заслужаная артыстка Украіны Таісія Павалій і многія іншыя.

Гасцей фестывалю і гледачоў тэлеканала АНТ чакае займальнае музычнае шоу з мноствам «магічных» спецэфектаў, якое стане выдатным працягам добрай купальскай традыцыі мінулых гадоў.

Алена ДРАПКО

drapko@zviazda.by

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.