Вы тут

Без абмежаванняў


За межы ЕАЭС у верасні можна выязджаць бязпошлінна часцей, чым раз на 8 дзён.


Аб гэтым гаворыцца ў адпаведнай пастанове Саўміна ад 1 ліпеня, якая анулюе некаторыя папярэднія рашэнні ўрада. Сярод адмененых рашэнняў быў і дакумент «Аб некаторых пытаннях рэгулявання вывазу аўтамабільнага паліва з тэрыторыі Рэспублікі Беларусь». Названая пастанова аб адмене абмежаванняў на паліва пры вывазе за мяжу ўступае ў сілу з 1 верасня, удакладняе навіну Нацыянальны прававы інтэрнэт-партал.

Варта нагадаць, што агучанае абмежаванне было ўведзена ў Беларусі ў лістападзе 2011 года, калі пасля дэвальвацыі нацыянальнай валюты кошт паліва ў краіне ў дачыненні да іншых валют моцна знізіўся. Каб не дапусціць вываз таннага (у доларах) паліва за межы краіны і дзеля «стабілізацыі абстаноўкі ў пунктах пропуску праз дзяржмяжу Беларусі», улады прынялі шэраг мер. Тады выязджаць за межы Мытнага саюза на адным і тым жа аўтамабілі з Беларусі можна было адзін раз на 8 дзён. Калі за мяжу даводзілася выязджаць часцей, то неабходна было аплачваць пошліну на паліва.

З першых дзён восені гэтае абмежаванне адмяняецца, таму Дзяржаўнаму пагранічнаму і мытнаму камітэтам даручана забяспечыць прывядзенне сваіх нарматыўных прававых актаў у адпаведнасць з цяперашняй пастановай.

Сяргей КУРКАЧ

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.